सशस्त्र प्रहरीका मुकुन्द्र महर्जनले राष्ट्रिय खेलकुदमा लगातार तीन स्वर्ण जित्दै सोमबार ह्याट्रिक गर्न सफल भएका छन्। उनले शहिद रङ्गशालामा भएको सातौं राष्ट्रिय खेलकुदमा पुरूष कराते ६७ केजी तौलमा स्वर्ण हात पार्दै पर्शुराम बास्तोलासँग आफूलाई बराबरीमा उभ्याएका छन्।
मुकुन्दले पाँचौ, छैटौं र सातौंमा लगातार स्वर्ण पदक जित्न सफल भएका हुन्। यस स्पर्धामा सुदूरपश्चिमका मोहम्मद शेखु आलमले रजत तथा नेपाल प्रहरीका भुपेन्द्र खड्का र मध्यमाञ्चलका विशाल पौडेलले कास्य पदक पाए ।
.jpg?1482755447749)
यस्तै पुरूषको ८४ केजीमुनीको तौलमा नेपाल प्रहरीका दिवश श्रेष्ठले पश्चिमाञ्चलका सुनित घर्तिमगरलाई पराजित गर्दै स्वर्ण जिते। तेश्रो स्थानमा पूर्वाञ्चलका ईश्वर माझी र सशस्त्रका भिमबहादुर तामाङ्ग रहे ।
महिला ६८ केजी तौलमा सशस्त्र प्रहरीकी कल्पना बस्नेतले बाजी मारिन्। उनले आर्मीकी रिता कार्कीलाई फाइनलमा पराजित गर्दै स्वर्ण हात पारिन् । मध्यमाञ्चलकी रोजिता रंजित र पुलिसकी मनिता मोक्तानले कास्य पाए
