सातौँ राष्ट्रिय खेलकुद प्रतियोगिताअन्तर्गत एन्फा टेक्निकल खेल मैदान धरानमा आज भएको सशस्त्र प्रहरी बल र मध्यमाञ्चल टोलीबीचको पहिलो खेलमा सशस्त्र प्रहरी टोलीले मध्यमाञ्चल टोलीलाई ७–० गोलको भारी फरकले स्तब्ध तुल्याउँदै अघिल्लो चरणमा प्रवेश गरेको छ ।
उक्त खेलमा मध्यमाञ्चलका चेतन थारुले आत्मघाती गोल गरेका थिए । खेलमा सशस्त्र प्रहरीका तर्फबाट खेलको पहिलो हाफको १० औँ मिनेटमा नै रञ्जन विष्टले गोल गर्दै आफ्नो टोलीलाई १ गोलको अग्रता दिएका थिए । थारुको आत्मघाती गोलसहित २–० गोलले अघि बढेको सशस्त्र प्रहरीको टोलीका लागि खेलको ४५ आँै मिनेटमा राजीव रावलले एक गोल गर्दै खेल ३–० गोलको फरकमा पु¥याएका थिए ।
एकतर्फी भएको उक्त खेलमा सशस्त्र प्रहरीका युवराज खड्काले खेलको आठौँ ५५ आँै, ७९ औँ र ९० आँै मिनेटमा लगातार चार गोल गरेर खेल ७–० गोलको भारी फराकिलो अन्तरले समाप्त पार्दै आफ्नो टोलीलाई विजय गराएका थिए ।
यसैगरी सोही खेल मैदानमा भएको दोस्रो खेलमा नेपाली सेनाको विभागीय टोली त्रिभुवन आर्मीले सुदूरपश्चिमाञ्चल टोलीलाई १–० गोलले स्तब्ध पारेको छ । उक्त प्रतिस्पर्धामा नेपाली सेनाका सुमन अर्यालले खेलको सातौँ मिनेटमा हेडमार्फत गरेको एक मात्र गोल निर्णायक बन्यो । प्रतियोगिताअन्तर्गत शनिबारको पहिलो खेल समूह ‘क’ बाट नेपाल प्रहरी र पश्चिमाञ्चल टोली तथा दोस्रो खेल मध्यमाञ्चल र पूर्वाञ्चल टोलीबीच हुने छ ।
प्रहरी टोली फाइनलमा
सुनसरीको दुहवी रङ्गशालामा जारी राष्ट्रिय महिला फुटबल प्रतियोगितामा नेपाल प्रहरी टोलीले मध्यमाञ्चल टोलीलाई ५–० गोलको फराकिलो अन्तरले पराजित गर्दै फाइनलको यात्रा पक्का गरेको छ । आज भएको पहिलो सेमिफाइनल खेलमा समूह ‘क’ बाट नेपाल प्रहरी टोलीका तर्फबाट नीरु थापाले ह्याट्रिक गरिन् । त्यस्तै निर्मला उपाध्यायले दुई गोल गरेपछि प्रहरी खेल ५–० गोलको फराकिलो अन्तरले कब्जामा पार्न सफल भयो ।
यसैगरी आजै भएको समूह ‘ख’ अन्तर्गतको खेलमा सशस्त्र प्रहरी टोलीले नेपाली सेनाको त्रिभुवन आर्मी क्लबलाई ३–० गोलले स्तब्ध पार्दै फाइनलमा प्रवेश गरेको छ । सो प्रतिस्पर्धामा सशस्त्र प्रहरीका तर्फबाट खेलको १८ आँै मिनेटमा रेखा पौडेल, २७ औँ मिनेटमा अनिता केसी र ५५ आँै मिनेटमा रन्जना दर्नालले एक एक गोल गरेका थिए । तेस्रो स्थानका लागि नेपाली सेना र मध्यमाञ्चल टोलीबीच शनिबार प्रतिस्पर्धा हुनेछ । रासस
