बुद्धजयन्तीका अवसरमा ललितपुरस्थित जेनेभा ग्लोबल स्कुलले आयोजना गरेको उपत्यकास्तरीय चिठी लेखन प्रतियोगितामा आठदेखि दस कक्षासम्मका डेढ सय विद्यार्थीले भाग लिएका छन् । २५५७ वर्षअघि जन्मिएका बुद्धलाई उपत्यकाका ५० स्कुलका छात्रछात्राले चिठी लेखेका थिए।
प्रतियोगितामा प्राप्त डेढ सय चिठीमध्ये नेपालीका तीन उत्कृष्ट र अंग्रेजीका तीन उत्कृष्ट पुरस्कृत भएका थिए । शुक्रबार आयोजित कार्यक्रममा राष्ट्र गीतका सर्जक व्याकुल माइलाले पुरस्कृत विद्यार्थीलाई अवार्ड र प्रमाणपत्र प्रदान गरेका थिए।
प्रतियोगितामा अंग्रेजीतर्फ काष्ठमण्डप विद्यालयकी दायिशा डागा प्रथम, शुभतारा स्कुलकी सुजाना सिंह द्वितीय र चेल्सी इन्टरनेसनल स्कुलकी सुमना लामिछाने तृतीय भएका छन् । नेपालीतर्फ एडिफा इन्टरनेसनल स्कुलकी सुजन बरुवाल प्रथम, काष्ठमण्डप स्कुलकी आश्ना सिजापति द्वितीय र एडिफा स्कुलकै पूजा रिजाल तृतीय भएका थिए।
कार्यक्रममा जेनेभा स्कुलका विद्यार्थीले सोलुखुम्बुस्थित वीरेन्द ज्योति उच्च माध्यमिक विद्यालयका विद्यार्थीलाई पठाएको एक कार्टुन पेन्सिल सोलुखुम्बुका कवि भद्रगोल किरातीलाई हस्तान्तरण गरिएको थियो । जेनेभा स्कुलले शनिबार बुद्धजयन्तीका दिन पनि विद्यार्थी र अभिभावकका लागि ललितपुरस्थित मानसिक रोग अस्पतालको भित्तामा पेन्टिङ गर्ने कार्यक्रम आयोजना गर्यो । त्यस्तै जेनेभा स्कुलले ललितपुरमा शान्ति ¥याली पनि गरेको थियो जसमा विद्यार्थी, अभिभावक र शिक्षक उपस्थित थिए ।
