पेट्रोलियम पदार्थ बोकेर काठमाण्डौ जाँदै गरेको ट्याङकर त्रिशुली नदिमा खस्दा ३ जनाको मृत्यु भएको छ । अम्लेखगन्जबाट पेट्रोल लिएर राजधानी जाँदै गरेको ना४ख ३२६४ नम्बरको ट्याङ्कर मुग्लिन र कुरिनटारको बिचमा रहेको दारेचोक गाविस वडा नं ३ घोप्टेभिर सडकबाट करिब २५० मिटर तल त्रिशूली नदि किनारमा पल्टिएपछि चालकसहित ३ जनाको घटनास्थलमै मृत्यु भएको प्रहरीले जनाएको छ।
उक्त्त दुर्घटनामा परि चालक तथा ट्यांकर धनी हेटौंडा ५ बसामाडिका गोपालसिंह लामा र दुई जना सहयोगी निवुवाटार–६ मकवापुरका सुरेश लामा र प्रकाश विष्ट रहेको प्रहरीले जनाएको छ ।
ट्याङ्कर चालक लामाको आधि जलेको अवस्थामा प्रहरीले शव निकालेको भएपनि अन्यको केहि पत्तो लाग्न सकेको छैन । 'ट्याङकरको फलाम र डढेका टीनका टुक्राटाक्री बाहेक अरुकेही पनि बाँकी नरहेको प्रहरीले बताएको छ ।
रातीको वर्षातमा सडकबाट नियन्त्रण गुमाउदै भिरबाट दुईसय मिटर तल त्रिशुली नदीतिरमा खस्दैगर्दा ट्याङर बलेको अनुमान प्रहरीको छ। सडकमा गुडेका अन्य सवारीका सर्वसाधारणले मुग्लन प्रहरीलाई आगो दन्किरहेको खबर दिएका थिए। घटनास्थल नजिकै होटल,घर वा स्थानिय केही छैन।