चीन सरकारको सहयोगमा राजधानीको चक्रपथ सडकलाई कलंकीदेखि कोटेश्वरसम्मको सडक ८ लेनमा विस्तार गर्ने काम सुरु गरिएको छ। चीनको सांघाइ कन्ट्रक्सन कम्पनीले ३ वर्षसम्ममा काम सक्ने हिसाबले थालिएको कामको तिब्रताका लागि चक्रपथका दायाँ बायाँ १५ मिटर क्षेत्रमा लगाइएका रुखहरु धमाधम काट्न थालिएका छ।
कोटेश्वरदेखि कलंकीसम्म १२ सय संख्यामा रहेका रूखहरू काटिने भएका हुन् । ३ वटा नेपाली कम्पनीले पाएको ठेक्का अन्तर्गत ३५३ वटा रूख काट्ने जिम्मा पाएको शक्ति कन्सट्रक्सनले डेढ महिनाको अवधि भित्र सबै रुख काटेर सक्नुपर्ने भएकोले गत मंसिर २७ देखि सुरू गरिएको रूख काट्न थालिएको हो।
दिनको ६०० को दरले ज्यालामा बसेका मजदुरहरूले सो रूखहरू काट्ने कार्य गरिरहेका छन। बिना कुनै सुरक्षा सहित अग्ला अग्ला रूखमा चढेर उनीहरूले रूख काटिरहेका छन् ।
हतारमा भएर हो की, के हो ? त्यहाँ कुनै सुरक्षाको चाँजो पाँजो मिलाइएको छैन। मकवानपुरका ३८ वर्षीय वीरबहादुर तामाङ सहितको १४ मजदुरहरू आफ्नो ज्यान जोखिममा राखेर यसरी रुख काटिरहेका छन्।
संयोगबस आजसम्म कुनै अप्रिय घटना भने भएको छैन । तर यस्तो घटना परेमा के गर्ने भन्नेमा रुख काटिरहेका तामाङ नाजावफ भए।
यसैबीच शक्ति कन्सट्रक्सनका ठेकेदार कृष्ण शर्माले सबै कामदारको प्रतिव्यक्ति ५ लाखको बीमा गरिएको बताएपनि कामदार तामाङ भने यस्तो कुरा आफूहरुलाई थाहा नभएको बताए ।
