समाजमा हुने अपराधिक कृयाकलापहरुलाई न्युनिकरणको लागि रुकुममा विद्यार्थी र प्रहरीबीच सहकार्यको नयाँ अभियान सुरु भएको छ।
सुरक्षित र न्यायपूर्ण समाजको निर्माणको लागि युवा विद्यार्थी र प्रहरी साझा आह्वान भन्दै यस्तो अभियान सुरु गरिएको हो।
शिक्षक विद्यार्थी समाजका मेरुदण्ड भएकाले र प्रहरी सेवालाई प्रभाबकारी बनाइ सुरक्षित र न्यायपूर्ण समाज निर्माणको लागि यस्तो काम सुरु गरिएको हो।
पहिलो चरणमा जिल्लाका ३० विद्यालयका सय बढि विद्यार्थी र शिक्षकलाई सदरमुकाममा।
भेलामा सहभागिलाई जिल्ला न्यायधिश हेमन्त रावलले समाज सुरक्षित बनाउन नागरिकहरु आफै न्यायधीश बन्नु पर्ने भन्दै त्यसको अगुवाइ बिद्यार्थी र शिक्षकहरुले गर्नु पर्ने बताए।
प्रहरीलाई अपराध अनुसन्धानमा शिक्षक र बिद्यार्थीले महत्वपुर्ण भूमिका खेलेमा सभ्य एवं न्यायीक समाज निर्माण हुनेमा उनको जोड थियो।
जिल्लामा पहिलो पटक बालवालिकाले जिल्ला न्यायधीशसँग आफना जिज्ञासासमेत राखेका थिए।
उनीहरुले कारागारमा क्षमताभन्दा बढि कैदीहरु राखिनु ,बाल अधिकार ,मानव अधिकार आदि विषयसँग सम्बन्धित रहेर जिज्ञासा राखेका थिए।
कानुन संरक्षणको दायित्व प्रत्येक नागरिकहरुको भएकाले विद्यार्थीहरुका जिज्ञासाहरु मेटाउन पाउदा अत्यन्त खुसी लागेको बताए।
त्यस्तै स्थानीय विकास अधिकारी भरत कुमार शर्माले स्थानीय निकायबाट बालमैत्री बिकासको लागि पहल गरिने र वालबालिकाहरुलाई अपराधबाट जोगाउनु पर्ने अहिलेको मुख्य चुनौति रहेको प्रष्ट पारे।
युएसआईपि काठमाडौ र जिल्ला बिकास समिति रुकुमको आर्थिक सहयोग, जिल्ला प्रहरी कार्यालय रुकुमको समुन्वयमा ग्रामीण विकास जनचेतना केन्द्र रुकुमले आयोजना गरेको “सुरक्षित तथा न्यायपूर्ण समाजको निर्माण बिद्यार्थी र प्रहरीको सामूहिक आह्वान” कार्यशालाको क्रममा विद्यार्थी र प्रहरीलाई सँगै राखेर काम गरिएको थियो। अपराधसँग सम्बन्धित नीतिगत कुरा र प्रहरीको दैनिक कामहरुको बारेमा प्रहरीसँगै राखेर कार्यशाला सम्पन्न गरिएको हो।
एकातिर ब्यवहारिक अनुभव र अर्को तिर कानुनी प्रक्रियाको बारेमा सिकाइएको आयोजक पक्षले बताएको छ।
द्धन्द्धको समयमा प्रहरी र नागरिकको दुरी बढेपछि विगतमा प्रहरीले अपराध अनुसन्धानमा पाएको असहयोगलाइ यो अभियानले सहयोग गर्ने बताइएको छ। विद्यार्थीहरुले प्रहरीको काम ,हिरासत,कारागार लगाएतका ठाउँहरुको अवोलकन गरेपछि आफुहरु प्रहरीलाइ अपराध नियन्त्रणमा वा अपराध अनुसन्धानमा सहयोग गर्ने बताएका छन्।
