मन्त्रिपरिषद्का अध्यक्ष खिलराज रेग्मीले एक अर्काको साँस्कृतिक विविधताको सम्मान गर्दै सम्बद्र्धन र प्रवद्र्धन गर्न सबैलाई आग्रह गरेका छन्।
गुरुङ समुदायको महान चाड ल्होछारको अवसरमा अध्यक्ष रेग्मीले साँस्कृतिक विविधताले सबैलाई उत्साहित बनाएको बताउँदै साँस्कृतिक विविधताको संरक्षणमा सबैले जुट्नुपर्नेमा जोड दिए ।
तमू ल्होछार २०७० को शुभकामना दिदै रेग्मीले सरकारले ल्होछार लगायत साँस्कृतिक चाडको सम्मान गर्दै राष्ट्रिय बिदाको ब्यबस्था गरिएको उल्लेख गरे । उनले मंसिर ४ गते सम्पन्न संविधानसभाको निर्वाचनले संविधान निर्माणको अवसर जुटेको बताए ।
‘संविधान निर्माणमा सबैको सहकार्य आवश्यक छ ।’ उनले भने, संविधानसभाको निर्वाचन सफल बनाउनु भएकोमा सबैमा स-धन्यवाद।’
ल्होछारको अवसरमा राजधानीको वसन्तपुरमा शुरु गरिएको झाँकी सहितको र्याली राजधानीको विभिन्न भागको परिक्रमा गरि टुंडिखेलमा पुगी सभामा परिणत भएको थियो ।
तमू जातीहरुको भेषभूषामा सजिएका तमु र्यालीमा ह्युल छोंज धी गुरुङ राष्ट्रिय परिषदको उपत्यकामा रहेका चार दर्जन जिल्ला क्षेत्र, नगर गाउँ कमिटि लगायत स्वतन्त्र ४० भन्दा बढिसंघसंस्थाको सहभागिता रहेको थियो।
हेर्नुहोस् टुडिखेलमा सोमबार देखिएको रौनक फोटो पत्रकार प्रकाश लामाको फोटोफिचरमा
