पाटन दरबार स्क्वायरमा भएको नेपथ्यको कन्सर्टमा ज्यान जोगाउनै गाह्रो भएको भन्दै आएको प्रतिक्रियाको जवाफमा गायक अमृत गुरुङले 'माफि' मागेका छन्।
उनले ट्वीटरमार्फत हुलमुलमा अप्ठ्यारो परेकाहरुसँग क्षमा मागेका हुन्।
उनले ट्वीटरमा लेखेका छन ‘हिजो पाटनमा देखाउनुभएको मायाको लागि धेरै धेरै धन्यवाद। हुलमुलमा अफ्ठ्यारोमा परेकाहरु प्रति क्षमा ।’
आइतबार पाटन दरबार स्क्वायरमा नेपथ्यको कन्सर्ट भएको थियो ।
साँघुरो क्षेत्रमा हजारौँको उपस्थितिले हुलमुल र ठेलमठेल हुँदा कतिपय दर्शकहरु निसास्सीएका थिए।
शान्तिका लागि संगीत कार्यक्रम अन्तर्गत नेपथ्यले देशभरिका विभिन्न स्थानमा कन्सर्ट गरेको थियो । पाटनको कन्सर्ट कार्यक्रमको अन्तिम थियो ।
