पुस २४ देखि २६ गतेसम्म पर्यटकीय सहर पोखरामा प्रशंसनीय खोज प्रथम राष्ट्रिय सम्मेलन आयोजना हुने भएको छ।
सम्मेलनले नेपालमा प्रशंसनीय खोजको संस्थागत विकासमा महत्वपूर्ण भूमिका खेल्नसक्ने र समाजको सकारात्मक रुपान्तरणमा कोशेढुंगा सावित हुनसक्ने आयोजक संस्था इम्याजिन नेपालले जानकारी दिएको छ।
संस्थाका अनुसार ‘प्रशंसनीय खोज एउटा यस्तो सिद्धान्त र चिन्तन हो जस्ले हाम्रो सोचाइ, चिन्तन र कार्य गराइलाई सकारात्मक पाटोबाट सोच्न एवं सकारात्मक रुपान्तरणको दिशातर्फ उन्मुख हुन’ प्रेरित गर्छ। सकारात्मक रुपान्तरणको लागि सवल पक्षको शोधखोज एवं अध्ययनमा आधारित यस दर्शनलाई सन् १९८० को दशकमा प्राध्यापक डेविड कुपराइडरले विकास गरेका हुन। विश्वका विभिन्न अध्ययन संस्था एवं क्षेत्रहरुमा ‘सकारात्मक ज्ञान’को अध्ययन, अनुसन्धान, शोधखोज एवं प्रयोग भइरहेको छ।
सम्मेलनमा नेपाल तथा विश्वका विभिन्न भागमा भएका सकारात्मक पक्षहरुको अध्ययन, अनुसन्धान र प्रयोगको अनुभव र ज्ञानलाई आदानप्रदान गरिने इम्याजिन नेपालले जानकारी दिएको छ। सम्मेलनमा देशविदेशका करिब २ सय सहभागी हुने र सकारात्मक परिवर्तनमा योगदान पु¥याएका सकारात्मक ज्ञानमा आधारित कार्यपत्रहरु र पोष्टरहरु प्रस्तुत हुने आयोजक संस्थाले जनाएको छ।
