मोटरेबल पुलको टसल बाढीले बगायो

चुनाव
  • Get News Alerts

tata

खोटाङको राजापानी र बतासे जोड्ने साप्सु खोला पुलको टसल बाढीले बगाएको छ । ठेकेदारको लापर्बाहीका कारण छ महिनाअघि दोस्रोपल्ट म्याद थपिएको पुल ढलानका लागि उभ्याइएको टसल बुधबार आएको बाढीले बगाएको हो ।

यही वैशाख मसान्तसम्म सम्पन्न गर्ने म्याद रहेको पुलको टसल बगाएपछि बाँकी समयमा पुल निर्माणको काम नहुने देखिएको छ । पुल ढलानका लागि तयार पारिएको फलामका फर्मा बङ्ग्याउनुका साथै केही फर्मा बगाएको ठेकेदार कम्पनी देवसायर एन्ड कान्छाराम जेभीका ठेकेदार कर्ण खत्रीले बताए। 

छ करोडमा दुई वर्षमा पूरा गर्ने गरी २०७१ सालमा सम्झौता भएको पुलको काम अझै पनि पूरा हुन सकेको छैन । ठेकेदारले हरेक वर्ष बर्षा सुरु भएपछि मात्र काम सुरु गर्ने गरेकाले बेलामा पुल नबनेको राजापानीका स्थानीयवासी पुण्य रेग्मीले बताए। 

निर्माण गर्ने समय गुजारेकोमा साप्सु पुलका ठेकेदारले जरिवाना तिर्दै आएको स्रोतले जनाएको छ । दोस्रो पटक थपिएको म्यादभित्र पनि पुल निर्माणको काम नहुने भएपछि स्थानीयवासी असन्तुष्ट बनेका छन् । रासस 

Hyundai
nic asia
mahindra

प्रतिकृया दिनुहोस

बिज्ञापन

थप समाचार

  • हुकिङ गरी विद्युत चुहावट गर्ने २६ पक्राउ

    हुकिङ गरी विद्युत चुहावट गर्ने २६ जनालाई आज पक्राउ गरी नेपाल विद्युत प्राधिकरण वितरण केन्द्र लहानले जरिवाना तिराएको छ । प्राधिकरणका कर्मचारी र प्रहरीको संयुक्त टोलीले अनुगमनको क्रममा जिल्लाको विभिन्न स्थानमा विद्युतीय सामग्रीसहित पक्राउ परेका २६ जनाबाट एक लाख ४३ हजार रुपैयाँ जरिवाना असुल गरेको छ ।

  • क्षतिपूर्ति विवादका कारण सेवाग्राही सञ्चारविहीन अवस्थामा

    नेपाल टेलिकम कार्यालय जनकपुर र एकीकृत सहरी विकास आयोजनाबीच देखिएको क्षतिपूर्ति विवादका कारण डेढ हजारभन्दा बढी सेवाग्राही सञ्चारविहीन भएका छन् । आयोजनाले बाटो विस्तार र नाला बनाउने क्रममा नेपाल टेलिकमको भूमिगत तथा एरियल तामाको तार र अप्टिकल फाइवर तारको नेटवर्कमा क्षति पु¥याएकाले सो अवस्था सिर्जना भएको हो ।

  • भोलि काठमाडौं उपत्यकामा सार्वजनिक विदा

    भोलि काठमाडौं उपत्यकामा सार्वजनिक विदा

    सरकारले भोलि बिहिबार उपत्यकामा सार्वजनिक बिदा दिने निर्णय गरेको छ। रातो मत्स्यन्द्रनाथको भोटो देखाउने जात्रा परेकाले भोलि काठमाडौं उपत्यकामा मात्र सार्वजनिक विदा हुने भएको गृह मन्त्रालयले जनाएको छ।

  • नदी उत्खननमा वैज्ञानिक प्रणाली अपनाइने

    झापा जिल्लामा भएका नदीबाट अगामी आर्थिक वर्षका लागि गरिने उत्खननका लागि वैज्ञानिक प्रणाली लागू गरिने प्रमुख जिल्ला अधिकारी उत्तरकुमार खत्रीको अध्यक्षतामा मङ्गलबार बसेको बैठकले निर्णय गरेको छ ।नदीको जथाभावी उत्खनन कार्यले स्थानीयवासीले विरोध मात्र होइन प्रतिकार गर्ने, महेन्द्र राजमार्गसँग जोडिएका कन्काई पुल, निन्दा पुल र विरिङ पुल खतरामा पर्न जाने, कतिपय धार्मिक महत्व एवम् पर्यटकस्थल जोखिममा पर्ने र सिँचाइका लागि प्रयोग हुने कुलो पैनी एवम् नहर सुक्न थालेपछि यस्तो निर्णय गरिएको हो ।

  • जुम्लाको जिल्ला प्रहरी कार्यालयमै खानेपानीको हाहाकार

    ग्रामीण दुर्गम बस्तीका त कुरै छोडौँ, जिल्ला प्रहरी कार्यालय जुम्लामा लामो समयदेखि पानीको हाहाकार छ । द्वन्द्वकालमा भत्केको जिल्ला प्रहरी कार्यालय जुम्ला पुनःनिर्माण हुँदाको बेलादेखि खानेपानीको व्यवस्थापन नगरिँदा यो समस्या बढ्दै भएको हो । हाल २०० को सङ्ख्यामा प्रहरी जनशक्ति बहाल रहेको र बेलाबेलामा बढ्दै जाने गरेको तर खानेपानी जुगाड गर्ने पहलले सार्थकता नपाएकाले सिङ्गो प्रहरी सङ्गठन समस्यामा परेको प्रहरी निरीक्षक मुकुन्द रिजालले दुखेसो गरे।

Hyundai

लोकप्रिय

vianet

सूचनापाटी