वन्यजन्तु सप्ताह सम्पन्न

चुनाव
  • Get News Alerts

tata

राष्ट्रिय निकुञ्ज तथा वन्यजन्तु विभागको अगुवाइमा यही वैशाख १ गतेदेखि सुरु भएको साताव्यापी ‘२२औँ वन्यजन्तु सप्ताह’ विभिन्न कार्यक्रम गरी आज सम्पन्न भएको छ ।

‘युवाको अग्रसरतामा संरक्षण र समृद्धिको सुनिश्चितता’ नाराका साथ आज विभागमा आयोजित समापन समारोहमा वन तथा भू–संरक्षण राज्यमन्त्री दीर्घराज भाटले वन जङ्गल नै सबै प्राणीको बाँच्ने आधार भएकाले यसको संरक्षण गर्नु सबैको दायित्व भएको बताए। 

राज्यका ठूला पूर्वाधार निर्माण गर्नेदेखि विभिन्न सामाजिक संस्थाले संरचना बनाउँदा वन जङ्गलको क्षेत्रमाथि दबाब बढ्दै गएकोप्रति चिन्ता व्यक्त गर्र्दै राज्यमन्त्री भाटले भने – “जैविक विविधता संरक्षणका लागि सचेतनाका कार्यक्रम सहरमा मात्र नभई ग्रामीणस्तरसम्म पु¥याउनु आवश्यक छ ।”

कार्यक्रममा राष्ट्रिय योजना आयोगका सदस्य डा प्रभु बुढाथोकीले वन्यजन्तु संरक्षणका बारेमा विद्यालयस्तरदेखि नै सबैलाई सचेत गराउनुपर्ने बताउँदै संरक्षणका कार्यमा युवाको भूमिका अझ बढी महत्वपूर्ण हुनेमा जोड दिए। 

वन सचिव प्रकाश माथेमाले वन्यजन्तु संरक्षणका लागि सप्ताह व्यापी सचेतनामुखी कार्यक्रम प्रभावकारी देखिएको बताउँदै मन्त्रालयले स्थानीयस्तरमा जनतासँग मिलेर जैविक विविधता संरक्षणका कार्य गरिरहेको जानकारी गराए। 

कार्यक्रममा विभागका महानिर्देशक मनबहादुर खड्का, उपमहानिर्देशक शेरसिंह ठगुन्ना, जलाधार तथा भू–संरक्षण विभागका महानिर्देशक विजयराज पौडेल, नेपाल प्रकृति संरक्षण कोषका सदस्य सचिव डा गोविन्द गजुरेललगायतले सरकार र स्थानीय जनताको सक्रिय सहभागितामा हुने वन्यजन्तु संरक्षणका कार्यक्रम बढी प्रभावकारी हुने बताए। रासस

Hyundai
nic asia
mahindra

प्रतिकृया दिनुहोस

बिज्ञापन

थप समाचार

  • हुकिङ गरी विद्युत चुहावट गर्ने २६ पक्राउ

    हुकिङ गरी विद्युत चुहावट गर्ने २६ जनालाई आज पक्राउ गरी नेपाल विद्युत प्राधिकरण वितरण केन्द्र लहानले जरिवाना तिराएको छ । प्राधिकरणका कर्मचारी र प्रहरीको संयुक्त टोलीले अनुगमनको क्रममा जिल्लाको विभिन्न स्थानमा विद्युतीय सामग्रीसहित पक्राउ परेका २६ जनाबाट एक लाख ४३ हजार रुपैयाँ जरिवाना असुल गरेको छ ।

  • क्षतिपूर्ति विवादका कारण सेवाग्राही सञ्चारविहीन अवस्थामा

    नेपाल टेलिकम कार्यालय जनकपुर र एकीकृत सहरी विकास आयोजनाबीच देखिएको क्षतिपूर्ति विवादका कारण डेढ हजारभन्दा बढी सेवाग्राही सञ्चारविहीन भएका छन् । आयोजनाले बाटो विस्तार र नाला बनाउने क्रममा नेपाल टेलिकमको भूमिगत तथा एरियल तामाको तार र अप्टिकल फाइवर तारको नेटवर्कमा क्षति पु¥याएकाले सो अवस्था सिर्जना भएको हो ।

  • भोलि काठमाडौं उपत्यकामा सार्वजनिक विदा

    भोलि काठमाडौं उपत्यकामा सार्वजनिक विदा

    सरकारले भोलि बिहिबार उपत्यकामा सार्वजनिक बिदा दिने निर्णय गरेको छ। रातो मत्स्यन्द्रनाथको भोटो देखाउने जात्रा परेकाले भोलि काठमाडौं उपत्यकामा मात्र सार्वजनिक विदा हुने भएको गृह मन्त्रालयले जनाएको छ।

  • नदी उत्खननमा वैज्ञानिक प्रणाली अपनाइने

    झापा जिल्लामा भएका नदीबाट अगामी आर्थिक वर्षका लागि गरिने उत्खननका लागि वैज्ञानिक प्रणाली लागू गरिने प्रमुख जिल्ला अधिकारी उत्तरकुमार खत्रीको अध्यक्षतामा मङ्गलबार बसेको बैठकले निर्णय गरेको छ ।नदीको जथाभावी उत्खनन कार्यले स्थानीयवासीले विरोध मात्र होइन प्रतिकार गर्ने, महेन्द्र राजमार्गसँग जोडिएका कन्काई पुल, निन्दा पुल र विरिङ पुल खतरामा पर्न जाने, कतिपय धार्मिक महत्व एवम् पर्यटकस्थल जोखिममा पर्ने र सिँचाइका लागि प्रयोग हुने कुलो पैनी एवम् नहर सुक्न थालेपछि यस्तो निर्णय गरिएको हो ।

  • जुम्लाको जिल्ला प्रहरी कार्यालयमै खानेपानीको हाहाकार

    ग्रामीण दुर्गम बस्तीका त कुरै छोडौँ, जिल्ला प्रहरी कार्यालय जुम्लामा लामो समयदेखि पानीको हाहाकार छ । द्वन्द्वकालमा भत्केको जिल्ला प्रहरी कार्यालय जुम्ला पुनःनिर्माण हुँदाको बेलादेखि खानेपानीको व्यवस्थापन नगरिँदा यो समस्या बढ्दै भएको हो । हाल २०० को सङ्ख्यामा प्रहरी जनशक्ति बहाल रहेको र बेलाबेलामा बढ्दै जाने गरेको तर खानेपानी जुगाड गर्ने पहलले सार्थकता नपाएकाले सिङ्गो प्रहरी सङ्गठन समस्यामा परेको प्रहरी निरीक्षक मुकुन्द रिजालले दुखेसो गरे।

Hyundai

लोकप्रिय

vianet

सूचनापाटी