बर्दीमा रहेका ट्राफिक प्रहरी इन्स्पेक्टरमाथि भृकुटीमण्डपमा कुटपिट

yamaha
  • Get News Alerts

united
tata
ड्युटीमा खटिएका ट्राफिकलाई कुमारीपाटीको बीच सडकमै एक महिलाले हातपात गरेको घटनापछि बुधबार राजधानीमा अर्को त्यस्तै घटना भएको छ। एक युवकले भृकुटीमण्डपमा बर्दीधारी ट्राफिक प्रहरीमाथि हात उठाएका हुन्। यो घटना त्यतिबेला भयो, जब ट्राफिक प्रहरी महाशाखाको गाडीमा इन्सपेक्टर भोला भट्टसहितको टोली गस्तीमा निस्किएको थियो। एक्कासि एक युवक गस्ती गाडीको पछाडि गएर बसे। ट्राफिक प्रहरीले गाडीमा बस्ने युवकलाई बाहिर आउन आग्रह गरे।
 
ती युवकले अटेर गरेपछि ट्राफिक प्रहरी हवल्दारले तानेर बाहिर निकाले। बाहिर आउनेबित्तिकै उनले ट्राफिक प्रहरी हवल्दारमाथि नै मुक्का प्रहार गरे। त्यहीँ रहेका दुई जना ट्राफिक प्रहरी जवानले सम्हाल्न खोज्दा उनले तीमाथि पनि हातपातको प्रयास गरे।
 
ड्युटीमा खटिएका ट्राफिक प्रहरीसँगै हात हालाहाल भएपछि इन्सपेक्टर भट्ट छुट्याउन गए। ती युवकले भने छुट्टयाउन आएका भट्टकै कठालो समाते। पछि नजिकै रहेको महेन्द्र पुलिस क्लबमा खटिएका प्रहरी गएर ती युवकलाई नियन्त्रणमा लिएका थिए। 
 
यो घटनामा हातपात गरिएका प्रहरीको बर्दी च्यात्तिएको छ। ट्राफिक प्रहरीले लगाउने टाई र बर्दीमा रहेको नेमप्लेट भुइँमा झरेको थियो। युवकले भट्टको कठालो समात्दा उनको घाटीमा चोट लागेको छ। 
 
प्रहरीले युवकलाई समातेर महेन्द्र पुलिस क्लब ल्याइसकेपछि पनि ती युवकले एक प्रहरीमाथि मुक्का हानेका थिए। जथाभाबी हात छाड्न थालेपछि प्रहरीले ती युवकलाई हतकडी लगाएर राखेको थियो। अहिले प्रहरी कुट्ने युवक सिंहदरबार प्रहरी वृत्तमा छन्।
 
ट्राफिक प्रहरीका अनुसार ती युवक सर्लाही घर भएका सन्तोष साह विश्वकर्मा हुन्। उनी लागुऔषध दुर्व्यसनी भएको प्रहरीले जनाएको छ। उनलाई स्वास्थ्य अवस्था जाँच गर्न अस्पताल पठाइएको सिहंदरबार वृत्तका डिएसपी मनोहर भट्टले जानकारी दिए। ‘स्वास्थ्य रिर्पोट आइसकेपछि कारबाही प्रक्रिया अघि बढ्नेछ,’ उनले भने।
 
यसअघि चैत २४ गते ललितपुरको कुमारीपाटीमा पनि ट्राफिक प्रहरी जवान कुटिएका थिए। अमेरिका निवासी शोभा कार्कीले ट्राफिक प्रहरी जवान कमलप्रसाद घिमिरेमाथि हातपात गरेकी थिइन्। नो पार्किङमा राखेको गाडी हटाउन आग्रह गर्दा आफूमाथि हातपात भएको घिमिरेको भनाइ थियो। 
 
प्रहरी कुट्ने कार्कीलाई कांग्रेस नेता जगदिशनरसिंह केसीको दबाबमा ललितपुर प्रहरीले छाडेको थियो।
Hyundai
nic asia

प्रतिकृया दिनुहोस

बिज्ञापन

थप समाचार

  • बस दुर्घटनाका घाइतेको उपचार नगरेको भन्दै मणिपाल अस्लपतालका डाक्टर नियन्त्रणमा

    बस दुर्घटनाका घाइतेको उपचार नगरेको भन्दै मणिपाल अस्लपतालका डाक्टर नियन्त्रणमा

    मुस्ताङको कागबेनीमा शनिबार भएको बस दुर्घटनामा परी घाइते भएकालाई पोखरास्थित मणिपाल शिक्षण अस्पतालले उपचार नगरेपछि पोखराको फूलबारी क्लबले डाक्टरलाई नियन्त्रणमा लिएको छ।

  • पत्रकार महासङ्घ भक्तपुरमा बुढाथोकी

    पत्रकार महासङ्घ भक्तपुरमा बुढाथोकी

    नेपाल पत्रकार महासङ्घ भक्तपुर शाखाको सातौँ जिल्ला अधिवेशनबाट अध्यक्षमा पुष्करराज बुढाथोकी निर्वाचित भएका छन्। आज भएको निर्वाचनमा उपाध्यक्षमा रोशन शिल्पकार, महिला उपाध्यक्षमा कविता थापा, सचिवमा कृष्ण नेपाल, सहसचिवमा किरण बुढाथोकी, समावेशी सहसचिवमा सुन्दर शिल्पकार, कोषाध्यक्षमा मोहन वल्ल निर्वाचित भएका छन् । सदस्यहरु जयराम बास्तोला, हेमराज ढकाल, लीला श्रेष्ठ, राम तमाखु, विनोद कोजु, सुमन श्रेष्ठ, हरिशरण बास्तोला र विदुर नेपाल निर्वाचित भएका छन् ।

  • करेन्ट लागेर युवकको मृत्यु

    कैलालीको अत्तरियामा आज करेन्ट लागेर एक युवकको मृत्यु भएको छ । अत्तरियास्थित धनगढी रोडमा रहेको बुद्ध डेन्टल अस्पतालको छतमा करेन्ट लागेर १६ वर्षीय झलक भाटको मृत्यु भएको हो। भाटको करेन्ट लागेर गम्भीर घाइते अवस्थामा सेती अञ्चल अस्पतालमा उपचारका क्रममा मृत्यु भएको इलाका प्रहरी कार्यालय माताखेतीले जनाएको छ।

  • मलेसियाबाट १८ नेपालीको उद्धार

    प्रधानमन्त्री पुष्पकमल दाहाल ‘प्रचण्ड’को निर्देशन र परराष्ट्र मन्त्रालयको पहलमा मलेसियाको बुकिट जलिल क्याम्पमा कष्टकर जीवन बिताइरहेका १८ नेपालीको उद्धार गरिएको छ। प्रधानमन्त्रीको सचिवालयका अनुसार विदेशमा रहेका नेपालीका समस्यालाई उच्च प्राथमिकता दिएर उद्धार र राहतको काम गरिरहेको सरकारले शुक्रबार ती नेपालीको उद्धार गरेको हो । विभिन्न मितिमा मलेसियामा पुगेका उनीहरुलाई व्यक्ति हत्यालगायतका अभियोगमा पक्राउ गरी बुकिट जलिल क्याम्पमा राखिएको थियो।

  • उपत्यकाका प्रमुख नदीबाट ३७ मेट्रिक टन फोहर व्यवस्थापन

    उपत्यकाका प्रमुख नदीबाट ३७ मेट्रिक टन फोहर व्यवस्थापन

    उपत्यकाका प्रमुख नदी र चक्रपथ सफाइ गरी ३७ मेट्रिक टन फोहर व्यवस्थापन गरिएको छ। बाग्मती सफाइको २०६औँ हप्तामा आज थापाथली पुलमा सफाइ गरी ११ मेट्रिक टन फोहर व्यवस्थापन गरियो । बिहान सिमसिमे पानी परे पनि सफाइमा ६ सय ५० भन्दा बढीको सहभागिता जुटेको सफाइ अभियन्ता एवम् अधिकारसम्पन्न बाग्मती सभ्यता एकीकृत विकास समितिका सञ्चालक सदस्य नारायण श्रेष्ठले जानकारी दिए। 

Hyundai

लोकप्रिय

vianet

सूचनापाटी