फ्लाई दुबईलाई ‘फेरि गल्ती गरे उडान रद्द गर्ने’ चेतावनी

yamaha
  • Get News Alerts

united
tata
संयुक्त अरब इमिरेट्स (युएई) को राष्ट्रिय ध्वजावाहक ‘फ्लाई दुबई’ एयरलाइन्सले ‘नेपाली यात्रुमाथि विभेद गरेको’ भन्दै विमानस्थल प्रशासनले पहिलोपटकलाई सचेत गराउने निर्णय गरेको छ। 
 
दोस्रोपटक पनि यस्तो विभेद दोहोरिएको उजुरी प्राप्त भए फ्लाई दुबईको नेपाल उडान नै रद्द गरिने विमानस्थल प्रशासनले जनाएको छ।
 
‘फ्लाई दुबईले नेपाली यात्रुहरूलाई भेदभाव गरेर गल्ती गरेको छ, तर पहिलोपटक भएर हामीले सचेत मात्र गराउने निर्णय गरेका छौं,’ विमानस्थल प्रवक्ता प्रेमनाथ ठाकुरले बुधबार सेतोपाटीसँग भने, ‘त्यसपछि पनि सुधार नगरे र त्यस्तै विभेद वा गल्ती गरेको जानकारी फेरि आए फ्लाई दुबईलाई नेपाल उडान गर्न रोक लगाइनेछ।’
 
सेतोपाटीमा प्रकाशित इटाली नागरिक रिकार्डो बोल्जानले लेखेको ब्लगमा उक्त एयलाइन्सले नेपाली यात्रुमाथि भेदभाव गरेको आरोप लगाइएपछि सरकारले छानबिन थालेको थियो।
 
‘नेपाली नागरिकमाथि फ्लाई दुबईको कत्रो अत्याचार’ शीर्षकमा सेतोपाटीमा प्रकाशित लेखप्रति आफ्नो ध्यानाकर्षण भएको भन्दै मुख्यसचिव सोमलाल सुवेदीले यथाशिघ्र छानबिन गरी दोषीलाई कारबाही गरेर जानकारी दिन संस्कृति, पर्यटन तथा नागरिक उड्डयन मन्त्रालयलाई निर्देशन दिएका थिए।
 
चैत १९ गते काठमाडौंमा फ्लाई दुबईको उडान स्थगनपछि विदेशीहरूलाई पाँचतारे होटलमा राखिएको तर नेपाली नागरिकलाई सामान्य होटल र त्यसमाथि एउटै कोठामा पाँच–छ जनालाई राखेर विभेद गरिएको उक्त ब्लगमा भनिएको छ।
 
विमानस्थलले यसबारे सत्यतथ्य पत्ता लगाउन चैत २७ गते हवाई सुरक्षा महाशाखा प्रमुख प्रकाशचन्द्र ढकालको नेतृत्वमा छानबिन समिति गठन गरेको थियो।
 
ढकालले छानबिनपछि तयार पारेको प्रतिवेदनले पनि ‘उडान स्थगित हुँदा फ्लाई दुबईले नेपाली यात्रुलाई सामान्य होटलमा राखेर विदेशी यात्रुलाई पाँचतारे होटलमा राखेको’ पुष्टि गरेको छ। यसबारे एयरलाइन्सको नेपालस्थित प्रतिनिधिसँग बयान लिँदा उनले नियतवश यस्तो गल्ती नभएको प्रस्टीकरण दिएको प्रतिवेदनमा छ।
 
अहिलेलाई पहिलोपटक भएको र एयरलाइन्सले पनि नियतवश त्यसो नगरेको बयान दिएपछि भावी दिनमा यस्तो गल्ती नगर्न सचेत गराइएको विमानस्थल प्रवक्ता ठाकुरले जानकारी दिए।
 
‘समय अबेर भइसकेकाले होटलमा पर्याप्त कोठा भएन,’ एयरलाइन्स प्रतिनिधिको बयान उद्धृत गर्दै उनले भने, ‘विदेशीहरूलाई पनि सामान्य होटलमा राख्दा नेपालको प्रतिष्ठामा नै असर पर्ने भएकाले त्यस्तो गरिएको हो।’
 
छानबिन प्रतिवेदनमा औंल्याइएका कमजोरी सच्याउन पनि विमानस्थलले फ्लाई दुबईलाई निर्देशन दिने ठाकुरले बताए।
 
‘कुनै यात्रुलाई राष्ट्रियताका आधारमै विभेद गरेको अवस्थामा उडान रद्दसम्मको कारबाही गर्न सकिने प्रावधान छ, तर एकपटकको गल्तीमै उडान बन्द गर्दा सकारात्मक सन्देश नजाने भएकाले अहिलेलाई सचेत गराउने र फेरि यस्तै गतिविधि गरे उडान बन्द गर्ने ब्यहोरोसहितको पत्र फ्लाई दुबईलाई पठाइने छ,’ ठाकुरले भने।
 
यद्यपि उक्त छानबिन प्रतिवेदन नागरिक उड्डयन प्राधिकरण हुँदै मन्त्रालयमा जाने र अन्तिम निर्णय पनि मन्त्रालयले नै गर्ने ठाकुरले बताए।
Hyundai
nic asia

प्रतिकृया दिनुहोस

बिज्ञापन

थप समाचार

  • बस दुर्घटनाका घाइतेको उपचार नगरेको भन्दै मणिपाल अस्लपतालका डाक्टर नियन्त्रणमा

    बस दुर्घटनाका घाइतेको उपचार नगरेको भन्दै मणिपाल अस्लपतालका डाक्टर नियन्त्रणमा

    मुस्ताङको कागबेनीमा शनिबार भएको बस दुर्घटनामा परी घाइते भएकालाई पोखरास्थित मणिपाल शिक्षण अस्पतालले उपचार नगरेपछि पोखराको फूलबारी क्लबले डाक्टरलाई नियन्त्रणमा लिएको छ।

  • पत्रकार महासङ्घ भक्तपुरमा बुढाथोकी

    पत्रकार महासङ्घ भक्तपुरमा बुढाथोकी

    नेपाल पत्रकार महासङ्घ भक्तपुर शाखाको सातौँ जिल्ला अधिवेशनबाट अध्यक्षमा पुष्करराज बुढाथोकी निर्वाचित भएका छन्। आज भएको निर्वाचनमा उपाध्यक्षमा रोशन शिल्पकार, महिला उपाध्यक्षमा कविता थापा, सचिवमा कृष्ण नेपाल, सहसचिवमा किरण बुढाथोकी, समावेशी सहसचिवमा सुन्दर शिल्पकार, कोषाध्यक्षमा मोहन वल्ल निर्वाचित भएका छन् । सदस्यहरु जयराम बास्तोला, हेमराज ढकाल, लीला श्रेष्ठ, राम तमाखु, विनोद कोजु, सुमन श्रेष्ठ, हरिशरण बास्तोला र विदुर नेपाल निर्वाचित भएका छन् ।

  • करेन्ट लागेर युवकको मृत्यु

    कैलालीको अत्तरियामा आज करेन्ट लागेर एक युवकको मृत्यु भएको छ । अत्तरियास्थित धनगढी रोडमा रहेको बुद्ध डेन्टल अस्पतालको छतमा करेन्ट लागेर १६ वर्षीय झलक भाटको मृत्यु भएको हो। भाटको करेन्ट लागेर गम्भीर घाइते अवस्थामा सेती अञ्चल अस्पतालमा उपचारका क्रममा मृत्यु भएको इलाका प्रहरी कार्यालय माताखेतीले जनाएको छ।

  • मलेसियाबाट १८ नेपालीको उद्धार

    प्रधानमन्त्री पुष्पकमल दाहाल ‘प्रचण्ड’को निर्देशन र परराष्ट्र मन्त्रालयको पहलमा मलेसियाको बुकिट जलिल क्याम्पमा कष्टकर जीवन बिताइरहेका १८ नेपालीको उद्धार गरिएको छ। प्रधानमन्त्रीको सचिवालयका अनुसार विदेशमा रहेका नेपालीका समस्यालाई उच्च प्राथमिकता दिएर उद्धार र राहतको काम गरिरहेको सरकारले शुक्रबार ती नेपालीको उद्धार गरेको हो । विभिन्न मितिमा मलेसियामा पुगेका उनीहरुलाई व्यक्ति हत्यालगायतका अभियोगमा पक्राउ गरी बुकिट जलिल क्याम्पमा राखिएको थियो।

  • उपत्यकाका प्रमुख नदीबाट ३७ मेट्रिक टन फोहर व्यवस्थापन

    उपत्यकाका प्रमुख नदीबाट ३७ मेट्रिक टन फोहर व्यवस्थापन

    उपत्यकाका प्रमुख नदी र चक्रपथ सफाइ गरी ३७ मेट्रिक टन फोहर व्यवस्थापन गरिएको छ। बाग्मती सफाइको २०६औँ हप्तामा आज थापाथली पुलमा सफाइ गरी ११ मेट्रिक टन फोहर व्यवस्थापन गरियो । बिहान सिमसिमे पानी परे पनि सफाइमा ६ सय ५० भन्दा बढीको सहभागिता जुटेको सफाइ अभियन्ता एवम् अधिकारसम्पन्न बाग्मती सभ्यता एकीकृत विकास समितिका सञ्चालक सदस्य नारायण श्रेष्ठले जानकारी दिए। 

Hyundai

लोकप्रिय

vianet

सूचनापाटी