महोत्तरी जिल्लाको मटिहानी गाउँपालिका–३ धीरापुर गाउँमा आज करेन्ट लागेर दुई बालिका गम्भीर रुपमा घाइते भएका छन्।
घाइते हुनेमा धीरापुर बस्ने मदन रायकी १२ वर्षीया छोरी मुस्कान राय र भुवनेश्वर रायकी छोरी १४ वर्षीया निशा राय रहेको जिल्ला प्रहरी कार्यालय महोत्तरीले जनाएको छ। दुवै बालिका घर नजिकै रहेको बिग्ही नदीको पुलमाथि घुम्न जाँदा पुलमै मात्र छ फिट माथि बाँसको टुप्पोमा अड्याएर राखिएको ११ हजार भोल्टको करेन्टसहितको तारबाट उनीहरुलाई करेन्ट लागेको प्रहरी निरीक्षक चन्देश्वर यादवले बताए।
दुवै बालिकालाई परिवारजनले अञ्चल अस्पताल जनकपुरमा प्राथमिक उपचार गराएर विशेष उपचारका लागि बिपी कोइराला स्वास्थ्य विज्ञान प्रतिष्ठान धरान लगेका छन्। रासस
