इलाका प्रहरी कार्यालय मेलम्चीले सातवटा चोरीका मोटरसाइकल फेला पारेका छन्।
फेला परेका मोटरसाइकलमध्ये दुईवटाको अनुसन्धान भइरहेको र पाँचवटा सम्बन्धित मोटरसाइकल धनीलाई आज बुझाएको इलाका प्रहरी कार्यालय मेलम्चीले जनाएको छ।
चोरीका मोटरसाइकल सिन्धुपाल्चोकमा धेरै भित्रिने गरेको पाइएकाले प्रहरीको सक्रियता बढाएको इलाका प्रहरी कार्यालय मेलम्चीका प्रहरी निरीक्षक नवराज ढुङ्गानाले जानकारी दिए।
यसरी मोटरसाइकल बुझाउनेमा मच्छे नारायण श्रेष्ठ (काभ्रेपलान्चोक), पविन तामाङ (सिन्धुपाल्चोक), लोकबहादुर भुजेल (काठमाडौँ), दीपक श्रेष्ठ (भक्तपुर) र सुमन राई (काठमाडौं) रहेका छन् ।
पछिल्लो दुई महिनाको अवधिमा हेल्मेट नलगाइ मोटरसाइकल चलाउने, बिलबुक नभइ सवारी चलाउने, लाइसेन्स नभएका र मापसे गरेर सवारीसाधन चलाउने व्यक्तिबाट तीन लाख ६० हजार रुपैयाँ राजस्व सङ्कलन गरिएको इलाका प्रहरी कार्यालय मेलम्चीका ट्राफिक प्रहरी मोहन श्रेष्ठले जानकारी दिए। रासस