छाडा पशु चौपायाबाट सास्ती

  • Get News Alerts

united
tata

 

 

छाडा पशु चौपायाका कारण नेपालगन्ज उपमहानगरपालिका दिनप्रतिदिन कुरुप बन्दै गइरहेको छ। सवारी दुर्घटनामा समेत वृद्धि भएको छ।

नेपालगन्ज उपमहानगरपालिका घोषणा भएको करिब दुई वर्ष वित्नै लागेको छ। नगरका छाडा पशु व्यवस्थित गर्न नसक्दा सडक छेउछाउका व्यापारी, सवारी चालक, पैदल यात्रुमात्रै होइनन् रिक्सा र टाँगा चालकलाई पनि सास्ती व्यहोर्नुपरेको छ।

“छाडा पशु चौपायका कारण पैदल हिँड्न समस्या भएको छ”, नेपालगन्ज–१३ का जानकी थापाले भनिन् – “छाडा पशुका कारण नेपालगन्ज सहरकै सौन्दर्य बिग्रिरहेको छ ।”

पैदल यात्रुलाई मात्रै होइन नेपालगन्ज कोहलपुर सडकखण्डमा सवारी साधन चलाउने चालकलाईसमेत छाडा पशुले सताउने गरेका छन् । “बीचबाटोमै आएर सुत्दिन्छन्, सधैँजसो सवारी दुर्घटनाको खतरा रहन्छ,” कोहलपुर–नेपालगन्ज सडकखण्डमा माइक्रोबस चलाउँदै आएका जनक चौधरीले भने – “न प्रहरीले हटाएको देख्छु, न नगरपालिकाले नै ।”

छाडा पशु चौपायाका कारण सडक छेउमा फलफूल र तरकारी पसल सन्चालन गर्दै आएका व्यापारीले सास्ती झेल्नुपरेको छ । नेपालगन्जमा विगत छ वर्षदेखि ठेलामा तरकारी बेच्दै आउनुभएका लालुदेवी विष्ट छाडा पशुले तरकारी खाइदिँदा दैनिक घाटा व्यहोर्नु परिरहेको बताउँछिन्।

चोक–चोकमा तथा सडक छेउमा व्यापार गर्ने व्यापारी छाडा पशु चौपायाका कारण हैरानी व्यहोर्न बाध्य छन् । “नेपालगन्ज उपमहानगरपालिका भइसकेपछि हामीले थप सुन्दर होला भनेर सोचेका थियौँ”, नेपालगन्ज– १ धम्बोजीका सरिता अधिकारीले भनिन्– “पशुचौपायाका गोबरका कारण सहर दुर्गन्धित हुँदै गइरहेको छ ।”

छाडा पशु चौपायाको व्यवस्थापन गर्नका लागि सरोकारवाला निकायको तर्फबाट कानुन व्यवसायीले नेपालगन्ज उपमहानगरपालिकामा निवेदन दर्तासमेत गराएका छन् । अधिवक्ताहरु गणेशमान केसी, वसन्त गौतम र सुनिता शर्माले संयुक्त रुपमा निवेदन दर्ता गराएका थिए । तर अहिलेसम्म सुनवाई हुन नसकेको अधिवक्ता शर्माले बताइन्। 

छाडा पशु चौपाया छोड्नेलाई कारबाही गर्न नसक्नु र छाडा छोडिएका पशुलाई व्यवस्थित गर्न नसक्नु उपमहानगरपालिकाको गैरजिम्मेवार काम भएको सर्वसाधारणको आरोप छ । तर नेपालगन्ज उपमहानगरपालिकाले भने व्यवस्थापनका लागि सक्दो प्रयास गरिरहेको दाबी गरेको छ । सो उपमहानगरपालिकाका निरीक्षण उपशाखा प्रमुख पवनकुमार कनोजिया नगरमा छाडा पशु चौपाया व्यवस्थापन गर्नका लागि जिल्ला ट्राफिक प्रहरी कार्यालय, जिल्ला प्रहरी कार्यालय र नेपालगन्ज उपमहानगरपालिकाले सहकार्य गर्दैआएको बताउँछन्।

कान्जी हाउसमा राख्न ठाउँ नभएपछि नेपालगन्जदेखि १०० किलोमिटर टाढाको दाङमा पर्ने जङ्गलमा अघिल्लोपटक छवटा ट्रकमा र अहिले दुईवटा ट्रकमा छाडा पशु चौपाया लगेर छाडेको कनोजियाले बताए। “व्यवस्थापन गर्न निकै गाह्रो भएको छ,” उनले भने। रासस

Hyundai
nic asia

प्रतिकृया दिनुहोस

बिज्ञापन

थप समाचार

  • ग्यारेजमा भीषण आगलागी, चार वटा बस पूर्ण ध्वस्त

    ग्यारेजमा भीषण आगलागी, चार वटा बस पूर्ण ध्वस्त

    विरगन्ज उपमहानगरपालिका वडा नं १८ बसपार्कस्थित ईन्डिका ईन्जिनियरिङ रिपेयरिङ बडी कारखानामा भीषण आगलागी भएको छ। बसपार्क परिसरमा रहेको नेपाल प्रहरीको अस्थायी पोष्ट नजिकैको ग्यारेजमा भएको आगलागीबाट चार वटा बस पूर्ण रूपमा ध्वस्त भएको छ।

  • तस्करको अक्रमणमा प्रहरी नायब उपरीक्षकसहित ३ प्रहरी घाइते, प्रहरीद्वारा हवाइ फायर

    बाराको सिम्रौनगढ–कर्चोवामा तस्कर र प्रहरीबीच झडप हुँदा प्रहरी नायब उपरीक्षकसहित ३ प्रहरी घाइते भएका छन्। नेपाल भारत सीमा अन्तर्गत बाराको सिम्रौनगढ–९ कर्चोवा गाँउमा लुकाइराखेको तस्करीको सामान छापामार्न गएको प्रहरी टोलीमाथि तस्कर आक्रमण गर्दा बाराका प्रहरी राजेन्द्र रेग्मीसहित तीन जना प्रहरी घाइते भएका हुन्।

  • ४७ दिनसम्म खोंचमा परेर पनि कसरी बाँचे ताइवानी युवा, विज्ञानले के भन्छ?

    ४७ दिनसम्म खोंचमा परेर पनि कसरी बाँचे ताइवानी युवा, विज्ञानले के भन्छ?

    डाक्टरहरूका अनुसार लियाङले के प्रमाणित गरेका छन् भने मानिसको शरीर इन्धन सकिनासाथ बन्द भइहाल्ने कुनै इन्जिन होइन। एकचोटी आपतकालीन अवस्थामा पुग्यो भने शरीरले आफूलाई पावर सेभिङ मोडमा ल लिन्छ ताकि मानिसले खाना खोज्ने केही समय पाओस्। यस्तो अवस्थामा पुगेपछि बाँकी रहेको शक्ति शरीरले मस्तिष्क, मुटु र किड्नीका लागि मात्र छुट्याउँछ।

  • आगलागीमा एक बालकको मृत्यु

    शुद्धोधन गाउँपालिका–५ हथिहवामा आज अपराह्न आगलागी हुँदा एक बालकको ज्यान गएको छ। आगालागीमा परी स्थानीयवासी ओमप्रकाश कुर्मीका दुईवर्षीय छोरा श्यामको मृत्यु भएको प्रहरीले जनाएको छ । आगलागी हुँदा बालकका बाबुआमा घरमा नभएको बताइएको छ ।

  • इँटाभट्टामा कार्यरत बाल श्रमिकको उद्धार

    भक्तपुर जिल्लाका विभिन्न इँटाभट्टामा कार्यरत १५ वर्षमुनिका बाल श्रमिकको आज उद्धार गरिएको छ । जिल्ला बाल कल्याण समितिको नेतृत्वमा बाल विकास समाजको सहयोगमा विभिन्न सङ्घ संस्थाको टोलीसहित आज गएको इँटाभट्टाको अनुगमनका क्रममा भेटिएका बाल श्रमिकको उद्धार गरिएको हो ।

Hyundai

लोकप्रिय

vianet

सूचनापाटी