नाबालकसहित दुई जनालाई कैद सजाय

  • Get News Alerts

united
tata

हत्या आरोपमा पक्राउ परेका नाबालकसहित दुई जनालाई कैद सजाय भएको छ।

कैद सजाय हुनेमा दार्चुला अपि नगरपालिका–४ का १७ वर्षीय रमेशसिंह कुँवर र सोही ठाँउका १४ वर्षीय नाबालक केशव कुँवर (नाम परिवर्तन) रहेका जिल्ला प्रहरी कार्यालय दार्चुलाका प्रहरी नायब उपरीक्षक केदार खनालले जानकारी दिए। उनले भने “रमेशलाई २० वर्ष कैद सजाय र नाम परिवर्तित केशवलाई १० वर्ष नौ महिना कैद सजाय भएको छ।”

गएको भदौ २६ गते दार्चुला अपि–४ का २२ वर्षीय गणेशसिंह कुँवरलाई चक्कु प्रहार गरी हत्या गरेको आरोपमा सोही ठाउँका २७ वर्षीय धीरेन्द्रसिंह कुँवर समेत पक्राउ परेको भए पनि धीरेन्द्रले सफाइ पाएको प्रहरीले बताएको छ ।

जिल्ला अदालत दार्चुलाले उनीहरुलाई आइतबार फैसला सुनाएको हो ।

यस्तै दुई किलो २०० ग्राम चरेससहित गत मङ्सिर ६ गते पक्राउ परेका दार्चुला अपि नगरपालिका–११ बांगाबगडका ४८ वर्षीय बलदेवसिंह महरलाई पनि जिल्ला अदालत दार्चुलाले छ हजार जरिवानासहित एक वर्ष कैद सजाय सुनाएको छ । रासस

Hundai
nic asia

प्रतिकृया दिनुहोस

बिज्ञापन

थप समाचार

  • बुद्धकृष्णद्वारा जिब्रो छेड्ने घोषणा

    बुद्धकृष्णद्वारा जिब्रो छेड्ने घोषणा

    मध्यपुरथिमिको बोडेमा परम्परादेखि चल्दै आएको जिब्रो छेड्ने जात्रालाई लोप हुनबाट जोगाउन यसवर्ष मध्यपुरथिमि–८ बोडेका ४५ वर्षीय बुद्धकृष्ण वागश्रेष्ठले जिब्रो छेड्ने घोषणा गरेका छन्। आज कोरिया–नेपाल मैत्री अस्पतालमा आयोजित पत्रकार सम्मेलनमा सोही अस्पतालका एम्बुलेन्स चालकसमेत रहेका श्रेष्ठले आफ्नो ठाउँको परम्परा लोप हुनबाट जोगाउन आफू जिब्रो छेड्न तयार रहेको बताए। 

  • ट्याक्टरको ठक्करबाट दुई महिलाको मृत्यु ,एक घाइते

    चितवनको भरतपुर ओरालोमा आज साँझ ट्याक्टरको ठक्करबाट दुई महिलाको मृत्यु भएको छ भने एकजना घाइते भएका छन्। भरतपुरबाट नारायणगढतर्फ जाँदै गरेको ना५त ४२२३ नंको ट्याक्टरले बाटो काट्दै गरेका तीनजना महिलालाई ठक्कर दिँदा सो दुर्घटना भएको हो।

  • निकुञ्जको गैंडा शुक्लाफाँटा पठाउने निर्णय

    निकुञ्जको गैंडा शुक्लाफाँटा पठाउने निर्णय

    चितवन राष्ट्रिय निकुन्जको पश्चिम क्षेत्र सुखिभारबाट दुर्लभ मानिएको एकसिंगे गैंडा कञ्चनपुरको शुक्लाफाँटा वन्यजन्तु आरक्षमा पठाइने भएको छ। गैंडा स्थानान्तरणका लागि बनेको कार्यदल र सरोकारवाला प्रतिनिधिबीच गैंडाको बासस्थान क्षेत्रको स्थलगत अध्ययन तथा निरीक्षणपछि सुकिभार क्षेत्रबाट गैंडा पठाउने निर्णय भएको निकुञ्जका सूचना अधिकारी नुरेन्द्र अर्यालले जानकारी दिए। 

  • फेरि सुरु हुँदै ‘न्यायो झोला उपहार कार्यक्रम’

    स्वास्थ्य संस्थामा सुत्केरी हुन प्रेरित गरी आमा र शिशु मृत्युदर कम गर्ने उद्देश्यले सुरु गरिएको ‘न्यायो झोला उपहार’ कार्यक्रम पुनः सुरु हुने भएको छ। चालु आर्थिक वर्षको सरकारको कार्यक्रममा नपरेको न्यानो झोला कार्यक्रम यही महिनादेखि सुरु हुने भएको छ।

  • करेन्ट लागेर दुई बालिका गम्भीर घाइते

    महोत्तरी जिल्लाको मटिहानी गाउँपालिका–३ धीरापुर गाउँमा आज करेन्ट लागेर दुई बालिका गम्भीर रुपमा घाइते भएका छन्। घाइते हुनेमा धीरापुर बस्ने मदन रायकी १२ वर्षीया छोरी मुस्कान राय र भुवनेश्वर रायकी छोरी १४ वर्षीया निशा राय रहेको जिल्ला प्रहरी कार्यालय महोत्तरीले जनाएको छ।

Hundai

लोकप्रिय

vianet

सूचनापाटी