coke Skip Ad >>

सुरूङमा उत्साहजनक सुधार, असोजमै मेलम्चीको पानी आउने

चुनाव
  • Get News Alerts

ठेकेदारद्वारा लिखित प्रतिवद्धता
tata

मेलम्ची खानेपानी आयोजनाको सुरुङ खन्ने काममा देखिएको अवरोधहरू क्रमश घट्दै गएका छन्। यसले असोजसम्म काठमाडौंमा पानी ल्याउने आयोजनाको योजनालाई सम्भव पुर्‍याउने देखिएको छ। आयोजनाको छब्बीस किलोमिटर सुरूङमध्ये बाँकी सुरूङ खन्ने क्रममा खराब चट्टानका कारणले तोकिएको समयमा तोकिएको दूरी पुरा गर्न नसकिने हो कि भन्ने आशंका बढेको थयो।

पछिल्ला दिनहरुमा सुरूङ खन्ने क्रममा चट्टानहरू छिचोल्दै अगाडि बढेको र  गति नपि बढ्दै गएकोले समयमै पुरा हुने भएको आयोजनाका उपकार्यकारी निर्देशक रमाकान्त दवाडीले सेतोपाटीलाई बताए।

माघको तुलनामा फागुनमा सुरूङ खन्ने काममा समेत प्रगति भएको छ। माघ महिनामा ४ सय २४ मिटर सुरुङ खनिएको थियो भने फागुनमा ५ सय १६ मिटर सुरूङ खन्ने काम सकिएको छ।

‘अहिले दैनिक बीस मिटरको दरले सुरूङ खन्ने कम भइरहेको छ,’ दवाडीले भने, ‘दैनिक पच्चीस मिटर सुरुङ खन्नुपर्छ भनेका छौ ठेकेदार कम्पनीले यसमा प्रतिबद्धता जनाएको छ।’

नयाँ प्रविधि प्रयोग गरेर भए पनि सुरुङ खन्ने गति बढाउनुपर्ने हाम्रो प्रस्तावलाई ठेकेदार कम्पनीले स्वीकारेको छ।

‘हामी आवश्यक परेमा थप रकम खर्च गर्न समेत तयार छौं भनेर हामीले भनेका छौ,’ उनले भने, ‘ठेकेदार कम्पनीले प्राविधिक प्रस्ताव राखिसकेको छ अब आर्थिक प्रस्ताव पेश गरेपछि काम अघि बढ्छ।’

यसअघि ठेकेदार कम्पनीले असोजसम्म पानी ल्याउन सकिने प्रतिबद्धता मौखिक रुपमा मात्रै जनाएको भए पनि अहिले लिखित रुपमा नै प्रतिबद्धता जनाएको दवाडीले बताए।

मेलम्चीमा अब ४.२ किमी सुरूङ खन्न बाँकी छ। सिन्धुदेखि ग्यालथुम र ग्यालथुमदेखि अम्बाथानको खण्डमा चार ठाउँबाट सुरुङ खन्ने काम भइरहेको छ।

यो मध्ये ग्यालथुमदेखि सिन्धुसम्मको १२ सय मिटर खण्डमा खराब चट्टान भेटिएको हो। खराब चट्टान भएकोले यो खण्डको लागी नयाँ प्रविधि र त्यसको लागि आवश्यक पर्ने पाट पूर्जाहरु समेत खरिद गर्न थप खर्च लाग्ने आयोजनाले जनाएको छ।

खनिसकेपछि सुरुङको प्लास्टर, गेट भेन्टिलेटर निर्माण, अप्टिकल फाइबर बिछ्याउने, सिसी क्यामेरा र टि्रटमेन्ट प्लान्ट बनाउने लगायत काम गर्नुपर्ने हुन्छ। यो काम गर्न झन्डै तीन महिना लाग्ने आयोजनाका एक वरिष्ठ इन्जिनियरले जानकारी दिए।

काम कछुवा गतिमा भए पनि खानेपानी तथा सरसफाइ मन्त्रालयका सचिव भीम उपाध्याय भने आगामी दसैंभित्र जसरी पनि मेलम्चीको पानी काठमाडौं ल्याएरै छोड्ने दाबी गर्छन्। 'सुरुङ खन्ने नयाँ प्रविधि नआएकाले केही ढिला भएको हो,' उनले भने, 'नयाँ प्रविधि आउनेबितिकै ठेकेदार कम्पनीले गति बढाउनेछ।' हेर्नुहोस् भिडियोमा-

यता मेलम्ची खानेपानी आयोजनाको पानी वितरणका लागि तिब्र गतिमा काम भइरहेको छ। अहिले काठमाडौं, ललितपुर र भक्तपुरमा पानीको पाइप बिछ्याउने, पोखरी खन्ने लगायतका कामहरू चौबीसै घण्टा भइरहेको छ।

Hyundai
nic asia
mahindra

प्रतिकृया दिनुहोस

बिज्ञापन

थप समाचार

  • जनआन्दोलनका गम्भीर घाइते मुकेश कायस्थलाई सम्मान

    जनआन्दोलनका गम्भीर घाइते मुकेश कायस्थलाई सम्मान

    बनेपा नगरपालिकामा रहेका जनआन्दोलनका गम्भीर घाइते तथा ज्यूँदो सहिद मुकेश कायस्थलाई आज सम्मान गरिएको छ । उनको निवास पुगेर गणतन्त्र दिवस आयोजक जिल्ला समितिबाट सम्मान गरिएको हो ।

  • बस दुर्घटनामा एकको मृत्यु, दुई दर्जन यात्रु घाइते

    पूर्वपश्चिम राजमार्गअन्तर्गत सिरहाको मिर्चैया नगरपालिका–१ स्थित महादेवा चोकमा आज बिहान बस दुर्घटना हुँदा एकजनाको मृत्यु हुनाका साथै दुई दर्जन यात्रु घाइते भएका छन् । विराटनगरबाट काठमाडौँ जाँदै गरेको ना४ख ८०६२ नंको बसलाई कटारीबाट नारायणघाट जाँदै गरेको ना१ख ५०६७ नंको बसले उछिन्ने क्रममा ठक्कर दिँदा ना१ख ५०६७ नंको बसका सहयोगी कटारी नगरपालिका–३ निवासी ३७ वर्षीय निलकमल श्रेष्ठको मृत्यु भएको प्रहरीले जनाएको छ ।

  • झापाको कनकाईस्थित कोटीहोममा सघन कक्षसहितको सर्पदंश उपचार केन्द्र सञ्चालन

    झापाको कनकाईस्थित कोटीहोममा अत्याधुनिक सुविधायुक्त सर्पदंश उपचार केन्द्र सञ्चालनमा आएको छ । यसअघि चारआलीस्थित नेपाली सेनाले आफ्नै परिसरभित्र सञ्चालन गरेको एउटा र दमकमा नेपाल रेडक्रस सोसाइटीले सञ्चालन गरेको अर्को सर्पदंश उपचार केन्द्र मात्र जिल्लामा थियो ।

  • गणतन्त्र दिवसको अवसरमा धुलिखेल कारागारका १४ जना बन्दी मुक्त

    काभ्रेपलाञ्चोकको जिल्ला कारागार धुलिखेलमा रहेका १४ जना बन्दी आज कारागारमुक्त भएका छन्। गणतन्त्र दिवसको अवसरमा उनीहरुलाई कारागारमुक्त गरिएको हो। जिल्ला कारागार धुलिखेलका जेलर महेशकुमार पोखरेलले २४ जना सिफारिस भएकोमा १४ जना मात्रै कारागारमुक्त भएको जानकारी दिए। 

  • चितवनका विभिन्न क्षेत्रमा अपराधिक घटनामा संलग्न छ जना पक्राउ

    चितवनका विभिन्न क्षेत्रमा अपराधिक घटनामा संलग्न छ जनालाई प्रहरीले पक्राउ गरेको छ । खुकुरी प्रहार गरेको आरोपमा दुई जना र गाँजा खाएर प्रहरीमाथि नै हातपात गर्ने चार जना गरी छ जनालाई पक्राउ गरिएको चितवनका प्रहरी नायब उपरीक्षक दीपक श्रेष्ठले जानकारी दिए।

Hyundai

लोकप्रिय

vianet

सूचनापाटी