ब्लु स्काइ म्यानपावरका संचालक प्रेम कटुवाल २३ दिनदेखि प्रहरी हिरासतमा छन्। उनीमाथि ठगीको आरोप लागेको छ। सामाजिक संजाल प्रयोग गरेर ठगी गर्ने गिरोहसँग उनको साठसाँठ रहेको महानगरीय अपराध महाशाखाले जनाएको छ।
स्रोत नखुलेको २४ लाख बैंक खातामा प्रहरीले फेला पारेपछि उनी पक्राउ परेका हुन्। तर २२ दिन प्रहरी हिरासतमा रहदाँ उनको खातामा ठगी भएर आएको थप ५८ लाख रुपैयाँ भेटिएको प्रहरीले जनाएको छ।
उनको खातामा अहिले ८२ लाख जम्मा भएको छ, त्यो सबै नेपाली महिलाहरुबाट जम्मा भएको छ, अपराध महाशाखाका एसएसपी दिनेश अमात्यले बताए।
फेसबुकको फेक आइडी बनाउने, युवती तथा महिलालाई रिक्वेष्ट पठाउने, साथी बनेपछि विश्वासिलो भएर गफ गर्ने, उपहारको पठाएको भन्दै फेसबुकबाट साथी बनेकाहरुसँग १ देखि ४३ लाखरुपैयाँ सम्म ठगी गर्ने गिरोहसँग मिलेमतोको आरोपमा कटुवाल पक्राउ परेका हुन्।
उनीमाथी अहिले १ करोडभन्दा बढी ठगी गरेको उजुरी परेको अपराध महाशाखाका एसपी श्याम ज्ञवालीले सेतोपाटीलाई बताए। उजुरी दिने महिलाहरु पनि दिनहुँ जसो आइरहेको उनले बताए। अहिलेसम्म २० जनाभन्दा बढी महिलाहरुले ठगिएको भन्दै कटुवालविरुद्ध प्रहरीमा उजुरी दिएका छन्।
कसरी जम्मा भयो कटुवालको खातामा ८२ लाख
काठमाडौं बानेश्वरकी एक युवतीलाई भ्यालेन्टाइनो स्मिथ नामको फेसबुकबाट रिक्वेष्ट आयो। पटक पटक रिक्वेष्ट आएपछि उनी साथी बनिन्। लामो समयसम्म उनीहरुवीच च्याटमा उनीहरुको कुराकानी भयो। मैले तिमीलाई उपहार पठाउन लागेको छुँ भन्दै ति भ्यालेन्टाइनो स्मिथ नामको फेसबुकबाट उनलाइ जानकारी आयो।
महिलाको ठेगाना मागियो। सुरुमा त ति महिलाले पत्याइनन् । तर उपहारकै फोटो फेसबुकमा देखाएपछि उनले पत्याइन। उपहार पठाएको केहीदिनपछि ती युवतीलाई तपाईँको नामको उपहार दिल्लीमा आइपुगेको छ। यहाँ कष्टममा समातेको छ। यहाँबाट छुटाउन २ लाख लाग्छ के गर्नुहुन्छ भनेर भारतको दिल्लीबाट फोन आएको थियो।
करोड पर्ने उपहार किन छाड्ने भन्दै ति महिला २ लाख पठाउन सहमत भइन। दिल्लीबाट फोन गर्नेले नेपालबाट पैसा पठाउन समस्या छ म एक जना नेपालीको नाम र खाता नम्बर दिन्छु भन्छन् । त्यसपछि नेपालीके खातामा पैसा हालेको महिना दिनसम्म उनले उपहार नपाएपछि ठगीमा परेको भन्दै प्रहरीमा उजुरी दिन्छिन।
त्यो गिरोहले नेपाली नाम र नम्बर कटुवालको दिएको र उनको खातामा रकम जम्मा भएको हो। कटुवालले भने आफ्नो छोराछोरी भारतमा बसेर पढ्ने गरेको र भारतमा छोराछोरी रेखदेख गर्नेले पैसा जम्मा गर्न लगाएको बताएका छन्। पैसा जम्मा गरेपनि सो भारतमा बस्नेलाई किन रकम फिर्ता नगरेको भन्दा कटुवालले जवाफ दिन नसकेको अनुसन्धान गरिरहेका एक प्रहरीले बताए।
यो पनि
यी फेसबुक आइडीबाट रिक्वेष्ट आए एसेप्ट नगर्नुहोस्