पोखरामा वर्ड फ्लू देखिएको छ। पोखरा १८ खाल्टेमसिनामा बर्डफ्लू देखापरेको जिल्ला पशु कार्यालयले जानकारी दिएको छ। पोखरा १८ खाल्टेमसिनाकी मीना परियारले पालेका हाँसमा h5n1वर्डफ्लू देखापरेको जिल्ला पशु कार्यालयका पशु चिकित्सक केदार राज पाण्डेले सेतोपाटीलाई जानकारी दिए।
फागुन ६ गते एउटा हासँ मरेपछि परीक्षणका लागि पोखराको ल्याबमा ल्याइएको थियो। पोखरामा परीक्षण गर्दा पोजेटिभ देखिपछि थप परीक्षणका लागि काठमाडौं पठाउँदा बर्डफ्लू भएको पुष्टी भएको उनले बताए।
अहिलेसम्म मिनाका २० वटा हाँस मध्ये १७ वटा हासँ र ११ वटा कुखुरा मरिसकेका छन्। उनले त्यस वरपर करिब २ सय कुखुरा र हाँस रहेको बताए। उक्त क्षेत्रमा तीन वटा कुखुरा फार्म भए पनि कुखुरा फर्ममा कुखुरा नभएको बताए। पोखरामा केही महिनादेखि पोजेटिभ रिपोर्ट आए पनि वर्डफ्लू भने बल्ल पुष्टी भएको उनले जानकारी दिए। ५ वटा टिम बनाएर त्यस वरपर उपचार गर्ने जिल्ला पशु कार्यालयको योजना छ। त्यस क्षेत्रमा ४२ दिनसम्म पंक्षी ओसार पसारमा रोक लगाउने उनले बताए।