पशुपतिनाथ मन्दिरमा दर्शनार्थी ओइरिए (तस्बिरहरू)

नारायण महर्जन

महाशिवरात्रिका दिन आज बिहान ३:३० बजेदेखि पशुपतिनाथ मन्दिर दर्शनका लागि खुला गरिएसँगै दर्शनार्थीहरूको ओइरो लागेको छ। बिहान २ बजेदेखि भक्तजन दर्शनका लागि लाइनमा बसेका थिए। दर्शनका लागि ३:३० बजेदेखि पशुपतिका उत्तर, पश्चिम र दक्षिण ढोका खुला गरिएको थियो।

उमाकुण्ड, मित्रपार्क क्षेत्रबाट प्रवेश गरेका भक्तजन उत्तर ढोका, जयवागेश्वरीबाट प्रवेश गरेका भक्तजन पश्चिम ढोका र विमानस्थल एवम् गौशाला क्षेत्रबाट प्रवेश गरेका भक्तजन दक्षिण ढोकाबाट मन्दिर प्रवेश गरी दर्शन गर्ने व्यवस्था मिलाइएको छ।

‍ महाशिवरात्रिका अवसरमा आज पशुपति क्षेत्रमा चार हजार नेपाल प्रहरी, दुई हजार पाँचसय सशस्त्र प्रहरी र चारसय राष्ट्रिय अनुसन्धान विभागका सुरक्षाकर्मी परिचालन गरिएको छ।

यस वर्ष कोषले पैसा तिरेर दर्शन गर्न पाउने पासको व्यवस्था खारेज गरेको छ। नागाबाबा, साधुसन्त एवम् महात्माहरूले दर्शनार्थीलाई रमाइलो दिएका छन्।

हेर्नुहोस् तस्बिरहरू