गृह मन्त्रालयले नेपाल प्रहरीका २० जना डिआइजीहरुको सरुवा गरेको छ। प्रहरी प्रधान कार्यालयको सिफारिसमा गृहले डिआइजीहरुको सरुवा गरेको हो। पुर्वाञ्चल क्षेत्रिय प्रहरी कार्यालयमा डिआइजी रमेशकुमार भट्टराईलाई सरुवा गरिएको छ भने त्यहाँ कार्यरत डिआइजी केशरीराज घिमिरेलाई हेडक्वाटर मानव स्रोतमा सरुवा गरिएको छ।
महानगरी प्रहरी कार्यालय रानीपोखरी (मेट्रो)काठमाडौंमा बमबहादुर भण्डारी अाएका छन्। मध्य क्षेत्र प्रहरी कार्यालयमा डिआइजी गणेश केसी सरुवा भएका छन् भने पश्चिम क्षेत्रमा मधु पुडासैनीलाई पठाइएको छ। मध्यपश्चिममा विजयलाल कायस्थ र सुदूरपश्चिममा रोमेन्द्रसिंह देउजाको सरुवा भएको गृह मन्त्रालयले जनाएको छ।
महानगरीय ट्राफिक प्रहरी महाशाखामा रानीपोखरीका डिआइजी मिङमार लामाको सरुवा हुदाँ त्रिभुवन विमानस्थलमा पंकज श्रेष्ठलाई खटाइएको छ। मध्य क्षेत्रका डिअाइजी पशुपति उपाध्यायको कार्य विभाग र कमल सिंह बमको अख्तियारमा सरुवा भएको छ। ट्राफिकका प्रकाश अर्याललाइ अनुसन्धान विभागमा र केदारमान सिंह भण्डारीको प्रहरी तालिम केन्द्र महाराजगन्जको अअ विद्यालयमा सरुवा भएको छ।
माधव जोशीको हेडक्वाटर प्रवन्ध विभाग, माधव नेपालको हेडक्वाटर तालिम निर्देशनालय, हेमन्त पालको विशेष ब्युरो, गोबिन्द निरौला र विजयकुमार भट्टको हेडक्वाटर र सुदीप आर्चायको राष्ट्रिय सुरक्षा परिषदमा सरुवा भएको छ।
* हेडलाइन सच्याइएको
