साढे ३३ किलो सुन तस्करीमा सघाएको भन्दै प्रहरीले त्रिभुवन विमानस्थल भन्सार कार्यालयका नायव सुब्बा श्याम श्रेष्ठलाई प्रहरीले पक्राउ गरेको छ ।
सिआइबीले श्रेष्ठलाई मध्यपुर ठिमी अस्पतालबाट पक्राउ गरेको हो। सो अस्पतालका उनी आफैँ संचालक हुन्। 'तस्करहरुसँग मिलेर विमानस्थल भन्सारबाट सुन पास गराउने कार्यमा उनी सम्लग्न भेटिए, ' सिआइबीका एक अनुसन्धान अधिकृतले सेतोपाटीसँग भने।
यसअघि प्रहरीले विमानस्थल भन्सारका २ जना कर्मचारी राजकुमार ढकाल र श्रीनारायण यादवलाइ पक्राउ गरिसकेको छ। गत पुस २१ गते दुवइहुदैँ काठमाडौं आएका गोपालबहादुर शाहीको साथबाट साढे ३३ किलो सुन बरामद गरेको थियो।
त्यस लगत्तै प्रहरीले सुन लिन बसेका २ जनालाई पनि पक्राउ गरेको थियो।
यो पनि
विमानस्थलको 'सेटिङमा' सुन तस्करी, सिआइबीद्वारा साढे ३३ किलो सुन बरामद
केरुङदेखि काठमाडौंसम्म १३ वटा चेकिङ छल्दै सुन तस्करी
