नेपाल विद्युत प्राधिकरणका कर्मचारीसँग सेटिङ गरेर विजुली चोरी गरेको अभियोगमा प्रहरीले उपत्यकाका ४ जना ब्यापारीलाई पक्राउ गरेको छ।
काठमाडौं गोकर्णेश्वर १३ मा मन्जु श्री खानेपानी कारखानाका संचालक कुमार लामा, गौशालाका मिठाइ पसल संचालक तपन घोष, कपास ब्यापारी परवेज आलम र रामेश्वर मिठाइ पसल अनामनगरका संचालक रमेश चुडाँललाई पक्राउ गरिएको अपराध महाशाखाका एसपी प्रकाशजंग कार्कीले बताए।
यस अघि प्रहरीले १० जना विद्युत प्राधिकरणका कर्मचारी, २ जना पुर्व कर्मचारीलाई पनि पक्राउ गरिसकेको छ। उनीहरुको वयानका आधारमा उनीहरु पक्राउ परेका हुन्। विद्युत प्राधिकरणका कर्मचारीलाई मासिक रुपमा १० देखि ३० हजारसम्म उनीहरुले दिने गरेको अनुसन्धानमा खुल्न आएको छ।
