'दुबईबाट कसरी सुन आयो, त्यहाँका अधिकारीसँग छलफल हुन्छ'

yamaha
  • Get News Alerts

united
tata

 

दुबइबाट रहस्यमय तरिकाले साढे ३३ किलो सुन नेपाल भित्रिएपछि नेपाल प्रहरीले यस विषयमा दुबइका उच्च प्रहरी अधिकारीहरुसँग छलफल गर्ने भएको छ।  नेपाल प्रहरीको उपराध अनुसन्धान विभागका प्रमुख एआइजी विज्ञानराज शर्माले यस विषयमा दुबइका प्रहरी अधिकारीको ध्यानाकर्षण गराइने बताए।

'हामीले सुनकाण्डपछि इमेल मार्फत दुबइलाई जानकारी दिएका छौं,' एआइजी शर्माले भने,'काठमाडौंमा हुन लागेको इन्टरपोलको एसियन रिजनल कन्फरेन्समा सहभागी हुन आएका दुबइका उच्च प्रहरी अधिकारीलाई भेटेरै समस्याबारे जानकारी गराउनेछौं।'

काठमाडौं आगामी माघ ५ गतेदेखि सुरु हुने सम्मेलनमा ५५ राष्ट्रका २ सय ५० भन्दा बढी अधिकारी नेपाल आउँदैछन्। 'दुबइमात्र होइन नेपाल आउने सुनका मुहान कहाँ हो, ती देश पहिचान गरेर ती त्यसका अधिकारीहरुसँग पनि छलफल गर्छाैं,' शर्माले भने।

यही पुस २१ गते दुबइबाट आएका एक जना यात्रुको साथबाट प्रहरीले साढे ३३ किलो सुन बरामद गरेको थियो। अहिलेसम्म सुन तस्करमा सम्लग्न ५ जनालाई सिआइबीले पक्राउ गरेर अनुसन्धान गरिरहेको छ। विमानस्थल भन्सारका २ जना अधिकृत पनि सिआइबीको फन्दामा परेका छन्।

Hyundai
nic asia

प्रतिकृया दिनुहोस

बिज्ञापन

थप समाचार

  • आगलागीबाट एकै घरका तीन बालबालिकाको मृत्यु

    बाँकेको डडुवा गाउँपालिका–१ होलियाको कुडुवागाउँमा भएको आगलागीमा परेर एकै घरका तीनजना बालबालिकाको मृत्यु भएको छ। गएराति १२ बजे स्थानीय दुई छिमेकी दुलारे मुराउ र मुन्सी मुराउको घरमा लागेको आगलागीमा परी तीनजनाको मृत्यु भएको हो। आगोले जलेर घटनास्थलमा मृत्यु हुनेमा मुन्सी मुराउका छ वर्षीय बालक पवन मुराउ, आठ वर्षीय बालिका राधना मुराउ र १० वर्षीया बालिका सोनी मुराउ रहेको प्रमुख जिल्ला अधिकारी रविलाल पन्थले जानकारी दिए। 

  • सोलुखुम्बु दूधकौसिकामा जिप दुर्घटना, एकको मृत्यु, आठ घाइते

    दूधकौसिका गाउँपालिका–८ देउसामा आज बिहान बोलेरो जिप दुर्घटना हुँदा एकजनाको मृत्यु भएको छ भने आठजना घाइते भएका छन् । सोताङ गाउँपालिका–५ मसेदा निवासी ३० वर्षीया विष्णुमाया बस्नेतको ज्यान गएको जिल्ला प्रहरी कार्यालय, सोलुखुम्बुले जनाएको छ ।

  • पुनःनिर्माणको पर्खाइमा स्वास्थ्य संस्था

    दुई वर्षअघि गएको भूकम्पबाट क्षतिग्रस्त स्वास्थ्य संस्था जग्गा, स्थानीय विवादलगायत कारणले पुनःनिर्माण हुन सकेका छैनन् । स्वास्थ्य मन्त्रालयका अनुसार अधिकांश स्वास्थ्य संस्थाको आफ्नै भवन नभएकाले भूकम्पले क्षति पु¥याएपछि भने जग्गा विवाद हुँदा समयमै पुनःनिर्माण गर्न ढिलाइ भएको हो ।

  • कर्मचारीको व्यवस्थापन नहुँदा भूकम्पपीडितलाई सास्ती

    दोस्रो किस्ताका लागि सम्झौता भएर पनि भूकम्पपीडितले राहत रकम पाउन सकेका छैनन् । स्थानीय तहमा कर्माचारीको व्यवस्थापनको अभावकै कारण भूकम्पपीडितले रकम पाउन नसकेका हुन्। गत २०७३ फागुन २८ गते जिल्ला प्रशासन कार्यालयबाट दोस्रो किस्ताका लागि सम्झौता भए पनि अहिलेसम्म राहत रकम पाउन नसकेको गुनासो साविक रबिओपी गाविस हाल धुलिखेल नगरपालिकाकी स्थानीय कल्पना कोइरालाले पोखिन् । “घर बनाउन त ऋण गरेर सुरु गरियो तर अहिले दोस्रो किस्ताबापतको रकम नपाउँदा ब्याज बुझाउन निकै गाह्रो भएको छ” – उनले भनिन्।

  • रानीबारी वनमा चरा अध्ययन केन्द्र

    राजधानीको केन्द्र भागमा अवस्थित रानीबारी सामुदायिक वनमा पक्षी तथा जैविक विविधता संरक्षण सिकाइ केन्द्र भवनको उद्घाटन भएको छ। नेपाल पक्षी संरक्षण सङ्घको स्थापना दिवसका अवसरमा रानीबारी वनमा आज आयोजित कार्यक्रममा सङ्घका संस्थापक अध्यक्ष हरिशरण काजी नेपालीले सो भवनको उद्घाटन गरेका हुन्। 

Hyundai

लोकप्रिय

vianet

सूचनापाटी