गैँडा गाउँ पस्दा स्थानीयवासी आतङ्कित

  • Get News Alerts

united
tata

पर्सा वन्यजन्तु आरक्षबाट बुधबार एक जोडी गैँडा हाँडीखोला गाविसको बस्तीमा पसेपछि स्थानीयवासीमा आतङ्क फैलियो ।

हेटौँडा उपमहानगरसँग सिमाना जोडिएको हाँडीखोला गाविसको लामिटार र मसिने क्षेत्रमा मङ्गलबार साँझदेखि जोडी गैँडा देखिएको स्थानीयवासीले बताएका छन् । करिब २२ महिनाअघि हेटौँडामा गैँडा आतङ्कले एक महिलाको मृत्यु भएको थियो भने नौजना गम्भीर घाइते भएका थिए । त्यतिबेला पनि हाँडीखोलाबाट हेटौँडा आएको गैँडाले बजार क्षेत्रमै आतङ्क मच्चाएको थियो ।


बुधबार बिहान स्थानीय पशुपतिनाथ माविमा अध्ययन गर्न जाने विद्यार्थीलाई पनि गैँडाले आक्रमण गर्ने प्रयास गरेको थियो । कक्षा १० मा अध्ययनरत सरस्वती थिङले भनिन्–“बिहान ७ बजेदेखि विद्यालयमा कोचिङ कक्षा सुरु हुने भएकाले जाँदै गर्दा बौंडाफाँटमा गैँडाले लखेट्यो । बिहान बाक्लो हुस्सु लागेको थियो । नजिकै पुगेपछि मात्र गैँडासँग जम्काभेट भयो”–थिङले भनिन्–“त्यतिबेला एउटा मात्रै गैँडा देखियो, तर गाउँमा दुईवटा गैँडा पसेको सुनेको थिएँ ।”

मङ्गलबार बेलुका लामीटारको जङ्गलबाट गाउँतिर प्रवेश गर्दै गरेको जोडी गैँडा देखेको स्थानीयवासीले बताएका छन् । गाउँमा गैँडा आएको खबरले विद्यालय जाने बालबालिका आतङ्कित बने ।

“बिहान अबेरसम्म हुस्सु लागेको हुन्छ, एक्लैदुक्लै हिँड्न पनि डर मर्नु भएको छ”– एक स्थानीयवासीले भने । गैँडा यसरी आउने जाने गरिरहने र बस्तीमा पसे पनि हालसम्म मानवीय क्षति भने नगरेको सुरक्षाकर्मीले जनाएका छन् । रासस

Hundai
nic asia

प्रतिकृया दिनुहोस

बिज्ञापन

थप समाचार

  • हुलाकमा अब नयाँ पद्धति, सामान कहाँसम्म पुग्यो भनी सहजै थाहापाइने

    हुलाकमा अब नयाँ पद्धति, सामान कहाँसम्म पुग्यो भनी सहजै थाहापाइने

    गोश्वारा हुलाक कार्यालयले ‘पोष्टल इन्टर्नल ट्रयाकिङ सिस्टम’ (पिआइटिएस) सञ्चालनमा ल्याएको छ। दुई महिनाको परीक्षणपछि आजदेखि औपचारिक रुपमा सञ्चालनमा ल्याइएको उक्त पद्धतिबाट ग्राहकले काउन्टरमा दर्ता गर्न ल्याएदेखि आफ्नो सामान कहाँसम्म पुग्यो भनी सहज जानकारी प्राप्त सक्नेछन्।

  • भू–क्षय रोक्न बगरमा उखुखेती

    देखतभूलीका बासिन्दाले वनहरा र दोदा नदीले गर्दै आएको भू—क्षय रोक्नका लागि उखुखेती गरेका छन्। जैविक तटबन्धका रुपमा उखुखेती गरिएपछि भूक्षय हुँदै आएको जग्गा जोगिएको छ। “नदीले बर्सेनि कटान हुँदा जमिन बगर बन्यो, अहिले उखु लगाएका छौँ,” स्थानीयवासी गङ्गाराम चौधरीले भने– “उखुखेती गरेपछि जग्गाको भूक्षय हुने क्रम रोकिएको छ।”

  • ट्र्याक्टर दुर्घटनामा एकको मृत्यु

    चकचके–लिवाङ सडकखण्ड कालोपत्रे मर्मत गरिरहेको एक ट्याक्टर आज दुर्घटना हुँदा एकजनाको मृत्यु भएको छ। रा१त २१८२ नंको ट्र्याक्टर खडक दल गण लिवाङ ब्यारेक र जिल्ला शिक्षा कार्यालय, रोल्पाको बीचमा पर्ने दिउनधारा भन्ने स्थानमा दुर्घटना हुँदा सोही ट्र्याक्टरका चालक साविक रोल्पा जैमाकसला–७, रोकाटोल हाल सुनछहरी गाउँपालिका वडा नं ५ निवासी २५ वर्षीय विनोद रोकामगरको घटनास्थलमै मृत्यु भएको जिल्ला प्रहरी कार्यालयका प्रहरी निरीक्षक रामप्रसाद घर्तीमगरले जानकारी दिए। 

  • नारायणगढ–मुग्लिन सडक आजदेखि दैनिक ६ घन्टा बन्द

    नारायणगढ–मुग्लिन सडक आजदेखि दैनिक ६ घन्टा बन्द

    निर्माणाधिन नारायणगढ–मुग्लिन सडकखण्ड आजदेखि दैनिक ६ घन्टा बन्द गरेर निर्माण कार्य सुरु भएको छ। सडक निर्माण कार्यलाई तीव्रता दिन आजदेखि सो सडक बन्दको समयमा डेढ घन्टा बढाएर दैनिक ६ घन्टा पुर्‍याइएको हो। यसअघि दैनिक साढे चार घन्टा मात्रै सडक बन्द हुँदै आएको थियो।

  • निकुञ्ज सुरक्षार्थ ‘अप्रेशन महाहन्ट’ प्रभावकारी

    निकुञ्ज सुरक्षार्थ ‘अप्रेशन महाहन्ट’ प्रभावकारी

    चितवन राष्ट्रिय निकुञ्जको सुरक्षाका लागि तीन महिनाअघि थालिएको ‘अप्रेशन महाहन्ट’ निकै प्रभावकारी हुँदै गएको छ। दुर्लभ वन्यजन्तुको चोरी सिकारी नियन्त्रणका साथै महाहन्टका क्रममा वन पैदावार र नदीजन्य पदार्थको अवैध ओसारपसारसमेत नियन्त्रणमा आएको छ।

Hundai

लोकप्रिय

vianet

सूचनापाटी