ज्यामरुककोटको संरक्षण आवश्यक

  • Get News Alerts

united
tata

बेनी नगरपालिका–३ ज्यामरुककोटका बासिन्दा ऐतिहासिक तथा पर्यटकीय सम्पदाको संरक्षण र प्रवद्र्धनमा अग्रसर भएका छन्।

बाइसे चौबिसे राज्यअन्तर्गत मल्ल राजाहरुले राज्य सञ्चालन गरेको ज्यामरुककोटको संरक्षण र पूर्वाधार विकास गरी पर्यटकीय गन्तब्यको रुपमा विकास गर्न उनीहरु अग्रसर भएका हुन्।

सामरिक महत्वका हातहतियार रहेको ऐतिहासिक कोतघरको संरक्षण, धार्मिक र पर्यटकीय विशेषताको बारेमा प्रचारप्रचार गरेर पर्यटक भित्र्याउन पहल थालिएको ज्यामरुककोट तथा गुठी व्यवस्थापन समितिका अध्यक्ष रामकृष्ण घिमिरेले बताए।

समितिमार्फत ज्यामरुककोटको ऐतिहासिक महत्वको बारेमा खोज अनुसन्धान र पूर्वाधार निर्माणको योजनालाई प्राथमिकता दिइएको उनको भनाइ छ। समितिले भकुण्डे हुँदै कोतघर र कन्तरथानसम्मको पदमार्ग, खानेपानी सुविधा र कोतघरलाई घेराबार गर्न सम्बन्धित निकायमा पहल गरेको जनाएको छ।

समुद्री सतहदेखि करिब दुई हजार ५०० मिटरको उचाइमा अवस्थित ज्यामरुककोटको प्रचारप्रसार र पूर्वाधारको कमीले ओझेलमा परेको छ। यस स्थानको ऐतिहासिक महत्वको बारेमा खोज अनुसन्धान र संरक्षणका लागि समेत सरकारी निकायबाट अपेक्षाकृत सहयोग नपाएको स्थानीय अगुवाको गुनासो छ।

विसं १६६२ अघिसम्म मल्ल राजाले राज्य सञ्जालन गर्ने स्थान बनाएको दाबी गरिएको ज्यामरुककोटमा ऐतिहासिक महत्वका धेरै पूर्वाधार नष्ट भएका छन्। यद्यपि कोतघरभित्र रहेका तोपको गोला, खुँडा, खुकुरी, तरबार, नगराजस्ता सामरिक महत्वका हातहतियार र भाँडावर्तन इतिहासको साक्षी बनेका छन्।

धौलागिरि, अन्नपूर्ण, निलगिरि, माछापुच्छ्रे लगायतका हिमशृङ्खला, म्याग्दी, पर्वत, बागलुङका बस्तीको अवलोकन गर्न सकिने ज्यामरुककोट पर्यटकीय हिसाबले समेत महत्वपूर्ण छ। बडादसैं र चैतेदसैंको बेलामा विशेष पूजाआजा हुने ज्यामरुककोटमा भाकल गरेमा मनोकांक्षा पूरा हुने जनविश्वास समेत छ।

छ रोपनी क्षेत्रफलमा फैलिएको ज्यामरुककोट पुग्ने व्यवस्थित पदमार्ग र यसको महत्वका बारेमा प्रचारप्रसार नहुँदा ओझेलमा परेको स्थानीय बासिन्दा टीकाबहादुर कार्की बताउँछन्। पर्वत राज्यअन्तर्गतको ज्यामरुककोटका अन्तिम राजा भर्तीबम मल्ल रहेको इतिहास छ। बेनीस्थित कालीगण्डकी र म्याग्दी नदीको दोभानमा स्नान गर्न आएको अवस्थामा राजा भर्तीबमको हत्या भएपछि पति वियोगमा परेकी रानी विश्वप्रभा बेनीको कुरीलाखर्कमा अलप भएको बताइन्छ। ज्यामरुककोटको पूजा व्यवस्थापनका लागि ३२ रोपनी गुठीको जग्गा छ।

अहिलेको परिस्थिति अनुसार गुठीबाट हुने आम्दानी न्यून भएकाले कोतको नियमित पूजा सञ्चालन गर्न समेत समस्या भएको अध्यक्ष घिमिरे बताउँछन्। बेनी बजारदेखि डेढ घन्टा पैदल र एक घन्टा गाडीको यात्रापछि ज्यामरुककोट पुग्न सकिन्छ । रासस

Hundai
nic asia

प्रतिकृया दिनुहोस

बिज्ञापन

थप समाचार

  • हुलाकमा अब नयाँ पद्धति, सामान कहाँसम्म पुग्यो भनी सहजै थाहापाइने

    हुलाकमा अब नयाँ पद्धति, सामान कहाँसम्म पुग्यो भनी सहजै थाहापाइने

    गोश्वारा हुलाक कार्यालयले ‘पोष्टल इन्टर्नल ट्रयाकिङ सिस्टम’ (पिआइटिएस) सञ्चालनमा ल्याएको छ। दुई महिनाको परीक्षणपछि आजदेखि औपचारिक रुपमा सञ्चालनमा ल्याइएको उक्त पद्धतिबाट ग्राहकले काउन्टरमा दर्ता गर्न ल्याएदेखि आफ्नो सामान कहाँसम्म पुग्यो भनी सहज जानकारी प्राप्त सक्नेछन्।

  • भू–क्षय रोक्न बगरमा उखुखेती

    देखतभूलीका बासिन्दाले वनहरा र दोदा नदीले गर्दै आएको भू—क्षय रोक्नका लागि उखुखेती गरेका छन्। जैविक तटबन्धका रुपमा उखुखेती गरिएपछि भूक्षय हुँदै आएको जग्गा जोगिएको छ। “नदीले बर्सेनि कटान हुँदा जमिन बगर बन्यो, अहिले उखु लगाएका छौँ,” स्थानीयवासी गङ्गाराम चौधरीले भने– “उखुखेती गरेपछि जग्गाको भूक्षय हुने क्रम रोकिएको छ।”

  • ट्र्याक्टर दुर्घटनामा एकको मृत्यु

    चकचके–लिवाङ सडकखण्ड कालोपत्रे मर्मत गरिरहेको एक ट्याक्टर आज दुर्घटना हुँदा एकजनाको मृत्यु भएको छ। रा१त २१८२ नंको ट्र्याक्टर खडक दल गण लिवाङ ब्यारेक र जिल्ला शिक्षा कार्यालय, रोल्पाको बीचमा पर्ने दिउनधारा भन्ने स्थानमा दुर्घटना हुँदा सोही ट्र्याक्टरका चालक साविक रोल्पा जैमाकसला–७, रोकाटोल हाल सुनछहरी गाउँपालिका वडा नं ५ निवासी २५ वर्षीय विनोद रोकामगरको घटनास्थलमै मृत्यु भएको जिल्ला प्रहरी कार्यालयका प्रहरी निरीक्षक रामप्रसाद घर्तीमगरले जानकारी दिए। 

  • नारायणगढ–मुग्लिन सडक आजदेखि दैनिक ६ घन्टा बन्द

    नारायणगढ–मुग्लिन सडक आजदेखि दैनिक ६ घन्टा बन्द

    निर्माणाधिन नारायणगढ–मुग्लिन सडकखण्ड आजदेखि दैनिक ६ घन्टा बन्द गरेर निर्माण कार्य सुरु भएको छ। सडक निर्माण कार्यलाई तीव्रता दिन आजदेखि सो सडक बन्दको समयमा डेढ घन्टा बढाएर दैनिक ६ घन्टा पुर्‍याइएको हो। यसअघि दैनिक साढे चार घन्टा मात्रै सडक बन्द हुँदै आएको थियो।

  • निकुञ्ज सुरक्षार्थ ‘अप्रेशन महाहन्ट’ प्रभावकारी

    निकुञ्ज सुरक्षार्थ ‘अप्रेशन महाहन्ट’ प्रभावकारी

    चितवन राष्ट्रिय निकुञ्जको सुरक्षाका लागि तीन महिनाअघि थालिएको ‘अप्रेशन महाहन्ट’ निकै प्रभावकारी हुँदै गएको छ। दुर्लभ वन्यजन्तुको चोरी सिकारी नियन्त्रणका साथै महाहन्टका क्रममा वन पैदावार र नदीजन्य पदार्थको अवैध ओसारपसारसमेत नियन्त्रणमा आएको छ।

Hundai

लोकप्रिय

vianet

सूचनापाटी