माइक्रो चालक र सह चालकले छात्रामाथि अभद्र व्यवहार गरेपछि...

  • Get News Alerts

united
tata

ललितपुरको सातदोबाटोमा यात्रुमाथि अभद्र व्यवहार गर्ने चालक पक्राउ परेका छन्।

गोदाबरी-लगनखेल रूटमा चल्ने माइक्रो बसका चालक र सहचालकले महिला यात्रुलाई जथाभावी बोल्दै अभद्र व्यवहार गरेपछि प्रहरी नियन्त्रणमा पुगेका हुन्।

ललितपुरको सातदोबाटोस्थित होप इन्टरनेशनल कलेजका विद्यार्थीहरू प्राक्टिकलका लागि गोदाबरी गएका थिए। गोदाबरीबाट फर्कने क्रममा ११ जान छात्राहरू बा १ ज ६०७१ नम्बरको माइक्रमा चढे।

माइक्रोका सह चालकले भाडा मागे। उनीहरूले विद्यार्थी सहुलियत कटाएर भाडा दिए।  सह चालक जंगिए- यति भाडाले पुग्दैन। उनीहरूले फेरि केही रकम थपिदिए। त्यो रकम विद्यार्थी सहुलियत कटाएर बुझाएको रकमभन्दा बढी थियो तर, सह चालक मान्ने पक्षमा थिएनन्। सबै विद्यार्थी भाडा कटाएर कहाँ हुन्छ। खुरूक्क पैसा दिनुहोस्। उनीहरूले यती नै हो पैसा भनेपछि चालक र सहचालक एक्कासी आवेशमा आएर जथाभावी भन्न थाले।

यहाँ उच्चारण गर्न नमिल्ने अपशब्द प्रयोग गर्दै छात्राहरूमाथि गाली बर्साउन थाले।

विद्यार्थीहरूबीच सातदोबाटोमा चालक र सहचालकबीच चर्काचर्की चलेको थियो। त्यो दृश्य ट्राफिक प्रहरीले केही पर बसेर नियालिरहेको थियो। माइक्रो त्यहाँबाट उम्कियो। ट्राफिक प्रहरीले पिछा गर्दै माइक्रोलाई लगनखेलबाट नियन्त्रणमा लियो।

यता विद्यार्थीहरूले ट्राफिक प्रहरी कार्यालय सातदोबाटोमा आवेदन दिए। चालक र सहचालकमाथि कारबाही गरिउ पाउँ भनी उनीहरूले दिएको निवेदनमा आफूहरूमाथि अभद्र र असब्य व्यवहार गरेको उल्लेख छ।

गाडीसँगै ट्राफिकले चालक दीपक महर्जन र सहचालक रविन गुरूङलाई नियन्त्रणमा लियो।

यसैबीच ललितपुर माइक्रोबस संघका पदाधिकारी ट्राफिक प्रहरी कार्यालय पुगेर माइक्रो र चालक तथा सहचालकलाई छोड्न आग्रह गरे- ‘केटाहरू हुन् यस्तो भने होलान् एक पटकलाई छोड्दिनू,’ उनीहरूले भने। लगत्तै ललितपुर ट्राफिक प्रहरी प्रमुख सीताराम हाथेछुले भने- ‘महिलामाथि जथाभावी बोल्दै हिड्नै चालक र सहचालकलाई छाड्न मिल्दैन। के तपाई पनि आफ्ना दिदी बहिनीमाथि यस्तै व्यवहार भए सहनुहुन्थ्यो,’ उनको यस्तो प्रतिप्रश्नपछि पदाधिकारी गए।

यता उनीहरूले ती छात्राहरूलाई फकाएर निवेदन फिर्ता लिन भने। उनीहरूले पनि हामी ११ जना थियौ र त उनीहरूले यस्तो गरे विचार एक्लै दुक्लै हिँडेका महिला दिदीबहिनी देखेभने के गर्लान यीनीहरूलाई कारबाही गर्नैपर्छ। यस्तो भनेपछि उनीहरू नाजावाफ हुँदै फर्किए।

‘महिलामाथि गाडी भित्र हुने जुनसुकै दुर्व्यवहार हामीलाई मान्य हुन्न। हामी कारबाही गरेरै छोड्छौ,’ हाछेथुले भने।

अहिले चालक र सहचालक दुबैलाई आवश्यक कारबाहीका लागि प्रहरीमा पठाइएको उनले जानकारी दिए।

Hyundai
nic asia

प्रतिकृया दिनुहोस

बिज्ञापन

थप समाचार

  • पुस्तकालय निर्माण गर्न करिब दुई करोड अनुदान

    झापाका २८ वटा सामुदायिक विद्यालयमा पुस्तकालय स्थापना गर्न सरकारले एक करोड ८२ लाख रुपैयाँ प्रदान गरेको छ । नेपाल सरकार शिक्षा मन्त्रालयले गाउँ/गाउँमा पुस्तकालय स्थापना गर्ने उद्देश्यका साथ सबै विद्यालयमा पुस्तकालय स्थापना गर्ने जनाएअनुरुप झापाका २८ वटा सामुदायिक विद्यालयमा पुस्तकालय स्थापना गर्न उक्त रकम प्रदान गरेको हो ।

  • झापाका चौंतिस घरपरिवारलाई जनता आवासको पहिलो किस्ता

    झापाका चौंतिस घरपरिवारलाई जनता आवासको पहिलो किस्ता

     जनताको आवास कार्यक्रम अन्तर्गत झापाका ३४ परिवारले पहिलो किस्ताको रकम पाएका छन् । दलित, मुस्लिम, आदिवासी तथा गरिब परिवारलाई लक्षित गरी सरकारले सञ्चालन गरेको उक्त कार्यक्रम अन्तर्गत उनीहरुले पहिलो किस्ताबापतको  १८ लाख २४ हजार ९५० रुपैयाँ पाएका हुन् ।

  • कञ्चनपुरमा औलो रोगका बिरामी घट्दै

    कञ्चनपुरमा औलो रोगका बिरामी घट्दै

    लामखुट्टेको टोकाइबाट सर्ने औलो रोगका बिरामी कञ्चनपुरमा प्रति वर्ष घट्दै गएका छन् । विषादीरहित झुलको प्रयोगमा व्यापकता र औलोका जीवाणु सार्ने लामखुट्टे नियन्त्रण गर्नका लागि विषादी छर्कने कार्य निरन्तर रुपमा गरिँदै आएकाले औलो रोगका बिरामीप्रति बर्ष घट्दै गएका हुन् ।

  • बौद्धमार्गीलाई ज्योतिष शास्त्र प्रशिक्षण

    शुक्रबार धनकुटा–१ हिलेमा नेपाल तामाङ लामा घेदुङ केन्द्रीय समितिको आयोजना र जिल्ल्ला घेदुङ म्हानीपा घेदुङ धनकुटाको व्यवस्थापनमा सुरु भएको प्रशिक्षणमा प्रदेश नं १ अन्तर्गत ताप्लेजुङ, पाँचथर, इलाम, झापा, मोरङ, सुनसरी, उदयपुर, भोजपुर, सङ्खुवासभा, तेह्रथुम र धनकुटाका बौद्धधर्मालम्बी लामा एक सय ५० सहभागी रहेको घेदुङका सचिव निरेन तितुङ तामाङले बताए। हिले बजारमा रहेको थुप्तेन देक्षेन छ्योलिङ गुम्बामा प्रशिक्षण दिइँदैछ ।

  • म्याग्दीका नौ विद्यालय पुनःनिर्माण

    म्याग्दीका नौ विद्यालय पुनःनिर्माण

    दुई वर्षअघिको भूकम्पका कारण क्षति पुगेका जिल्लाका नौ विद्यालयका भवन पुनःनिर्माण भएको छ। जिल्ला शिक्षा कार्यालयको सहयोगमा छ वटा दुईकोठे र तीन वटा तीनकोठे कक्षा कोठा पुनःनिर्माण भएको हो । थप पाँच विद्यालय भवन योजनाको भौतिक निर्माण सम्पन्न भई फरफारक गर्ने क्रममा रहेको छ ।

Hyundai

लोकप्रिय

vianet

सूचनापाटी