जिया जिया भन्छिन्– म सिंगल रहन चाहन्छु

  • Get News Alerts

tata
 
यी चिनियाँ सुन्दरीको नाउँ जिया जिया हो।
 
उनी सामान्य वार्तालाप गर्न सक्छिन्। कुराकानीमा उठ्ने विषयवस्तुअनुसार उनको अनुहारमा निश्चित भाव पनि देखिन्छ। खुसीको प्रसंग उठ्दा हाँसेजस्तो गर्छिन्। गम्भीर कुरा निस्कँदा उनको अनुहारको रंग पनि उडेजस्तै हुन्छ।
 
उनको सुन्दरता पनि सिनेमाकी नायिका वा मोडलको भन्दा कम छैन।
 
हलक्क लामो कालो कपाल, चिटिक्क मिलेका आँखीभौं, सुलुत्त परेको नाक र सुन्तलाका केस्राझैं मसिना राता ओठ। त्यसमाथि परम्परागत चिनियाँ भेषमा उनको यो सुन्दरता अझै खुलेको हुन्छ।
 
तर, नझुक्किनुस्!
 
झट्ट हेर्दा जिया हामीजस्तै देखिए पनि उनी मान्छे होइनन्। 
 
उनी हुन्, चिनियाँ प्रविधिद्वारा निर्मित यान्त्रिक मानव अर्थात् रोबोट, जसको रूपरंग काटीकुटी मान्छेकै जस्तो छ।
 
चीनमा पहिलोपटक निर्मित मानवरूपी रोबोट ‘जिया जिया’ लाई गत वर्ष ‘युनिभर्सिटी अफ साइन्स एन्ड टेक्नोलोजी’ का इन्जिनियरले पहिलोपटक प्रदर्शन गरेका थिए। सोमबार उक्त रोबोटको पहिलो पूर्ण संस्करण संघाईमा प्रदर्शन गरिएको थियो।
 
जतिबेला यो मानवरूपी रोबोट सार्वजनिक गरिँदै थियो, यसका निर्माता चेन सिआओपिङ एक गौरवशाली पिताझैं देखिन्थे। उनी रोबोट निर्माण समूहका प्रमुख हुन्।
 
नयाँ विश्वमा यान्त्रिक मानवलाई कुन उद्देश्यका लागि प्रयोग गरिनेछ भन्ने जिया जियालाई हेरेर भन्न सकिने चिनियाँ इन्जिनियरहरुको भनाइ छ। सम्भवतः अबको एक दशकभित्रै जिया जिया जस्ता कृत्रिम चेत भएका मानवयन्त्रले चिनियाँ रेस्टुरेन्ट, नर्सिङ होम, अस्पताल र निजी घरमा समेत शारीरिक श्रम आवश्यक पर्ने काम गर्न थाल्ने चेनको विश्वास छ।
 
‘अबका ५ देखि १० वर्षभित्र चीनमा धेरै प्रयोजनका लागि रोबोट प्रयोग गरिनेछ,’ उनले भने।
 
झुक्किने गरी मान्छेजस्ती देखिने भए पनि जिया जियाका केही सीमा छन्। उनी सामान्य बोलचाल त गर्न सक्छिन्, तर कतिपय साधारण प्रश्न सोध्दा पनि बारम्बार अक्मकाउँछिन्। तैपनि विगत दुई वर्षअघिको स्थितिसँग तुलना गर्दा जिया जियाको ज्ञान र बुद्धि विस्तार गर्ने कार्यमा इन्जिनियरहरूले निकै प्रगति हासिल गरेका छन्। मौसमबारे जवाफ दिन, आधारभूत कुराकानी गर्न र प्रश्नकर्ता महिला वा पुरुष को हुन् भन्ने थाहा पाउन उनी सक्षम छिन्। उनको यो ज्ञान र बुद्धिको दायरा फराकिलो पार्नमा थप अनुसन्धान भइरहेको चेन बताउँछन्।
 
सोमबार कार्यक्रममा जिया जियाले एक पुरुषको सौन्दर्यको तारिफ गर्दै भनिन्, ‘तपाईं ह्यान्डसम हुनुहुन्छ।’
 
यस्तो सुनेपछि ती पुरुषले प्रश्न गरे, ‘के तपाईंको ब्वाइफ्रेन्ड छ?’ 
 
जिया जियाले जवाफ दिइन्, ‘म सिंगल नै रहन चाहन्छु।’
 
बुद्धिमान मानवयन्त्रमा जिया जिया एक्ली होइनन्। संसारका अन्य देशमा पनि यस सम्बन्धमा थुप्रै अनुसन्धान भएका छन्। गत साता अमेरिकाको लास भेगासमा भएको ‘कन्ज्युमर इलेक्ट्रोनिक्स शो’ मा सार्वजनिक रोबोटहरूले पनि दर्शकको ध्यान खिच्न सफल भएका थिए। उक्त प्रदर्शनमा राखिएका रोबोटहरू सामान्य घरेलु काम गर्न सक्षम थिए। रिमोट कन्ट्रोलका माध्यमले उनीहरूलाई सजिलै काम अह्राउन सकिन्थ्यो।
 
प्रदर्शनमा ‘ह्यानसोन रोबोटिक्स’ नाम गरेको कम्पनीले ‘प्रोफेसर आइन्स्टाइन’ नामक आइन्स्टाइनसँग अनुहार मिल्ने रोबोट सार्वजनिक गरेको थियो। उक्त रोबोटले पनि अनुहारमा वास्तविक भाव देखाउने र विज्ञान तथा गणितसम्बन्धी सूचनामूलक वार्तालाप गर्न सक्थ्यो।
 
जिया जियाको विकास र गतिविधिमा अझै निकै काम बाँकी छ। चेनले जिया जिया जस्तो रोबोटको चीनमा राम्रो भविष्य देखेका छन्। उनका अनुसार चीनमा बढ्दै गएको समृद्धिका कारण युवा चिनियाँहरू रेस्टुरेन्टमा वेटरजस्ता काम गर्न रुचाउँदैनन्। एक्ला र वृद्ध हुँदै गएका चिनियाँका लागि अस्पताल र नर्सिङ होमहरूमा काम गर्ने मानिसको खाँचो पनि बढ्दै गएको छ। भविष्यमा यी कामका लागि जिया जियाजस्ता मानवयन्त्रको प्रयोग बढ्ने उनले बताए।
 
चेनले मान्छेजस्तो अलि नदेखिने अर्को रोबोटको भिडियो पनि देखाएका थिए। उसले जिया जियाभन्दा अलि धेरै काम गर्थ्यो। युनिभर्सिटीको प्रयोगशालामा चियाधरि बाँडेको थियो।
 
यस्ता रोबोट विकास गर्दा उनीहरू कुनै दिन मानिसभन्दा बढी बुद्धिमान हुन्छन् र त्यसले मानव जातिलाई नै खतरा हुन्छ भन्ने विचारसँग चेन सहमत छैनन्।
 
प्रसिद्ध वैज्ञानिक स्टेफेन हकिंग्स लगायत वैज्ञानिक भने बुद्धिमान रोबोटको विकास मानवजतिका निम्ति खतरा हुनसक्ने विश्वास गर्छन्।
hundai

प्रतिकृया दिनुहोस

बिज्ञापन

थप समाचार

  • ठग्दै हिँड्ने दुई सपेरा पक्राउ

    घर–घरमा आउने सपेराको क्षणिक आश्वासनमा परेर कतै तपाई ठगिनु भएको त छैन? सर्प नचाउँदै आउने सपेराले तपाइलाई ठग्न सक्छन् होस् गर्नुहोस्? बिर्तामोड–१ स्थित देवी पञ्चकञ्या प्लटिङमा यसरी सर्प नचाउँदै आउने सपेराले सर्वसाधारण ठगेपछि स्थानीयवासीले दुई जना सपेरा पक्राउ गरी आइतबार प्रहरीलाई बुझाएका छन्।

  • पाईप चोरी भएपछि ३६ लाखको सिँचाइ अवरुद्ध

    सिँचाइ योजनाको पाइप चोरी हुँदा मजकोट–६ का स्थानीय सिँचाइ सुविधाबाट वञ्चित भएका छन्। पिप्से वडारदेखि पल्लाचौर सिँचाइ योजना निर्माण भएको दुई वर्ष नबित्दै पाइप चोरी भएको हो। दुई महिनाअघि मुहानबाट करिब ४०० मिटर लम्बाइ रहेको पाईप चोरी भएको सिँचाइ योजनाका अध्यक्ष मरिमल तिरुवाले बताए। 

  • बालविवाह गर्नेको तीनपुस्ते सार्वजनिक गरिने

    उनले भने “बालविवाहले महिलाको समग्र जीवनमा समस्या आउने, शिक्षा ग्रहण गर्न नपाउनेलगायतका समस्या देखिएपछि बालविवाह न्यूनीकरणको अभियान थालिएको होहाटलाई जिल्लाकै नमुना स्वास्थ्य गाविस घोषणा गर्न पनि बालविवाह अन्त्य गर्नुपर्ने भएकाले बालविवाह न्यूनीकरणको अभियान सुरु गरिएको गाविसस्तरीय बालसञ्जालका प्रतिनिधि लालबहादुर भण्डारीले जानकारी दिए।

  • घुस लिँदालिँदै नासु पक्राउ

    सेवाग्राहीले कर्मचारीबाटै बिगारिएको कागजको त्रुटी सच्याउन आवश्यक कागजात मिलाउन लेखापढी व्यवसायी देवेन्द्र ठाकुरको सहयोग लिएका थिए । देवेन्द्रले छिटोछरितो काम गराउन त्यसको लागि लाग्ने दस्तुर रु ६ हजारमा एक हजार थपेर कर्मचारीलाई दिए । तर, त्यहाँका नासु राधेशरणले त्यसले नपुग्ने, कम्तीमा चार हजार थप दिनुपर्ने भनी कर गरे ।

  • धोबीखोला कोरिडोरमा सडक कालोपत्र अलपत्र

    सहरी विकास मन्त्रालयअन्तर्गतको अधिकार सम्पन्न वाग्मती सभ्यता एकीकृत विकास समितिले ढल बिच्छ्याउने र काठमाडौँ उपत्यका विकास प्राधिकरणले सडक कालोपत्र गर्ने जिम्मेवारी पाएपनि काम सम्पन्न हुन सकेको छैन । प्राधिकरणका विकास आयुक्त डा भाइकाजी तिवारी ढल बिच्छ्याइरहेको निर्माण व्यवसायी कम्पनी कान्छाराम जेभीले सडक कालोपत्र गर्ने ठेक्का नपाउँदा काममा ढिलाइ गरेको आरोप लगाए।

hundai

लोकप्रिय

vianet

सूचनापाटी