‘सुन तस्करीमा विमानस्थल र भन्सारका कर्मचारी नै दोषी’

yamaha
  • Get News Alerts

united
tata

सुन तस्करीमा विमानस्थल र भन्सारका कर्मचारी नै दोषी रहेको सुरक्षा निकायले आरोप लगाएको छ। मंगलबार संसदको अर्थ समितिमा भएको छलफलमा नेपाल प्रहरी र राष्ट्रिय अनुसन्धान विभागले विमानस्थल र भन्सारका कर्मचारीको मिलेमतोमा नै सुन तस्करी हुने गरेको जिकिर गरेका हुन्। उनीहरुले केही दिनअघि विमानस्थल बाहिरबाट ३३ किलो सुन पक्राउको घटनाले विमानस्थलबाट नियमितरुपमा सुन तस्करी हुने गरेको पुष्टि भएको दाबी समेत गरे।

प्रहरी महानिरिक्षक उपेन्द्रकान्त अर्यालले विमानस्थलमा भएका घटनाको छानबिन गर्ने जिम्मा आफूहरुले नपाएसम्म तस्करीको गिरोह नियन्त्रण गर्न नसकिने बताए। उनले कर्मचारीको मिलेमतोमा भएका घटनाको प्रहरीले छानविन नगरेसम्म संगठित गिरोह नियन्त्रण गर्न नसकिने दाबी गरे।

भन्सार विभागका महानिर्देशक शिशिरकुमार ढुंगानाले सुन तस्करी काण्डमा विभागका कर्मचारीको संलग्नता रहे कारवाही गर्न आफू तयार रहेको बताए। उनले विभागले विमानस्थलमा अत्याधुनिक एक्सरे मेसिन ल्याउन टेण्डरको प्रक्रियामा रहेकाले केही महिनापछि विमानस्थलको सुरक्षामा थप कडाइ हुने दाबी गरे। उनले हाल सञ्चालनमा रहेको एक्सरे मेसिनले कालो प्लाष्टिकमा बेरेको सामानको चेकजाँच गर्न नसकेकाले आपराधिक घटनाहरु बढेको हुनसक्ने आशंका पनि व्यक्त गरे।

अर्थ मन्त्रालय राजस्व विभागका सचिव राजन खनालले पछिल्लो केही वर्षदेखि सुनचाँदी व्यवसायीले बैंकमार्फत् सुन किन्न छाडेकाले चोरी निकासी बढेको बताए। उनले व्यवसायीलाई पनि अनुसन्धानको दायरामा ल्याउन सकेमात्र चोरी तस्करी नियन्त्रण गर्न सकिने बताए।

छलफलमा प्रहरी अतिरिक्त महानिरिक्षक नवराज सिलवालले तस्करीको घटनाको छानविन गरेर सत्यतथ्य पत्ता लगाउने प्रतिवद्धता व्यक्त गरे। केन्द्रीय प्रहरी अनुसन्धान ब्यूरो प्रमुखसमेत रहेका सिलवालले विमानस्थलमा रहेको कडा सुरक्षा घेरा पार गरेर सुन तस्करी हुनुले सुरक्षा क्षमतामै प्रश्न उठेको स्वीकार पनि गरे।

Hyundai
nic asia

प्रतिकृया दिनुहोस

बिज्ञापन

थप समाचार

  • आगलागीबाट एकै घरका तीन बालबालिकाको मृत्यु

    बाँकेको डडुवा गाउँपालिका–१ होलियाको कुडुवागाउँमा भएको आगलागीमा परेर एकै घरका तीनजना बालबालिकाको मृत्यु भएको छ। गएराति १२ बजे स्थानीय दुई छिमेकी दुलारे मुराउ र मुन्सी मुराउको घरमा लागेको आगलागीमा परी तीनजनाको मृत्यु भएको हो। आगोले जलेर घटनास्थलमा मृत्यु हुनेमा मुन्सी मुराउका छ वर्षीय बालक पवन मुराउ, आठ वर्षीय बालिका राधना मुराउ र १० वर्षीया बालिका सोनी मुराउ रहेको प्रमुख जिल्ला अधिकारी रविलाल पन्थले जानकारी दिए। 

  • सोलुखुम्बु दूधकौसिकामा जिप दुर्घटना, एकको मृत्यु, आठ घाइते

    दूधकौसिका गाउँपालिका–८ देउसामा आज बिहान बोलेरो जिप दुर्घटना हुँदा एकजनाको मृत्यु भएको छ भने आठजना घाइते भएका छन् । सोताङ गाउँपालिका–५ मसेदा निवासी ३० वर्षीया विष्णुमाया बस्नेतको ज्यान गएको जिल्ला प्रहरी कार्यालय, सोलुखुम्बुले जनाएको छ ।

  • पुनःनिर्माणको पर्खाइमा स्वास्थ्य संस्था

    दुई वर्षअघि गएको भूकम्पबाट क्षतिग्रस्त स्वास्थ्य संस्था जग्गा, स्थानीय विवादलगायत कारणले पुनःनिर्माण हुन सकेका छैनन् । स्वास्थ्य मन्त्रालयका अनुसार अधिकांश स्वास्थ्य संस्थाको आफ्नै भवन नभएकाले भूकम्पले क्षति पु¥याएपछि भने जग्गा विवाद हुँदा समयमै पुनःनिर्माण गर्न ढिलाइ भएको हो ।

  • कर्मचारीको व्यवस्थापन नहुँदा भूकम्पपीडितलाई सास्ती

    दोस्रो किस्ताका लागि सम्झौता भएर पनि भूकम्पपीडितले राहत रकम पाउन सकेका छैनन् । स्थानीय तहमा कर्माचारीको व्यवस्थापनको अभावकै कारण भूकम्पपीडितले रकम पाउन नसकेका हुन्। गत २०७३ फागुन २८ गते जिल्ला प्रशासन कार्यालयबाट दोस्रो किस्ताका लागि सम्झौता भए पनि अहिलेसम्म राहत रकम पाउन नसकेको गुनासो साविक रबिओपी गाविस हाल धुलिखेल नगरपालिकाकी स्थानीय कल्पना कोइरालाले पोखिन् । “घर बनाउन त ऋण गरेर सुरु गरियो तर अहिले दोस्रो किस्ताबापतको रकम नपाउँदा ब्याज बुझाउन निकै गाह्रो भएको छ” – उनले भनिन्।

  • रानीबारी वनमा चरा अध्ययन केन्द्र

    राजधानीको केन्द्र भागमा अवस्थित रानीबारी सामुदायिक वनमा पक्षी तथा जैविक विविधता संरक्षण सिकाइ केन्द्र भवनको उद्घाटन भएको छ। नेपाल पक्षी संरक्षण सङ्घको स्थापना दिवसका अवसरमा रानीबारी वनमा आज आयोजित कार्यक्रममा सङ्घका संस्थापक अध्यक्ष हरिशरण काजी नेपालीले सो भवनको उद्घाटन गरेका हुन्। 

Hyundai

लोकप्रिय

vianet

सूचनापाटी