विमानस्थलको 'सेटिङमा' सुन तस्करी, सिआइबीद्वारा साढे ३३ किलो सुन बरामद

  • Get News Alerts

tata

युएइबाट नेपाल आएका एक युवकको साथबाट प्रहरीले साढे ३३ किलो सुन बरामद गरेको छ। नेपाल प्रहरीको केन्द्रीय अनुसन्धान ब्युरोको टोलीले एयर अरेवियाको जहाजबाट युएइ हुदैँ काठमाडौं आएका गोपाल बहादुर शाहीको साथबाट सो सुन बरामद गरेको डिआइजी नवराज सिलवालले सेतोपाटीलाई जानकारी दिए।

२४४ वटा १०- १० तोलाको विस्कुट बरामद भएको छ। त्यस्तै १८ वटा सिक्री र १९ वटा औंठीको तौल हुन बाँकी छ। बरामद गरिएको सुनको बजार मूल्य झण्डै १५ करोड रुपैयाँ भन्दा धेरै छ। सुन लिएर आउने शाही र सुन लिन विमानस्थल पुगेका २ जना दिलबहादुर थापा र सन्तोष काफ्लेलाई पक्राउ गरिएको उनले बताए। लगेजभित्र प्लाष्टिकले र्‍याप गरेको सुन प्रहरीले बरामद गरेको हो। विमानस्थलको सुरक्षा जाँच पार गरेर गोल्डेन गेटमा आएका बेला सुन बरामद भएको प्रहरीले जनाएको छ।

पक्राउ परेका शाहीले विमानस्थलका अधिकारीको सेटिङमा सुन ल्याएको प्रहरीसमक्ष बताएका छन्। यस विषयमा प्रहरीले थप अनुसन्धान गरिरहेको छ। लगेजबाट २६ वटा सुनका विस्कुट बरामद गरिएको छ। अरु र्‍याप गरिएको अवस्थामा पनि सुन रहेको सिलवालले बताए।

अर्को लगेजबाट पनि सुन बरामद भएको डिआइजी सिलवालले बताए। पक्राउ परेका शाही भरिया भएको हुन सक्ने प्रहरीले अनुमान गरेको छ। युएइबाट नेपाल आउनेलाई सुन पठाउने गिरोह नै सक्रिय रहेको प्रहरीले दाबी गरेको छ। सुन बोकाएर पठाउने, भरियाको फोटो खिचेर नेपालस्थित एजेन्ट पठाउने र नेपालस्थित एजेन्ट विमानस्थलमा पुगेर सुन लिने गरेको प्रहरीले बताएको छ। 'सुन बोके वापत भरियालाई केही आर्थिक प्रलोभन दिने गरेको हामीले जानकारी पाएका छौं,' सिआइबीका एक अधिकारीले भने।

_MG_4045

तस्बिरहरूः अनिश रेग्मी/ सेतोपाटी

 

hundai

प्रतिकृया दिनुहोस

बिज्ञापन

थप समाचार

  • जलवायु परिवर्तनसम्बन्धी सम्मेलन मङ्गलबारदेखि

    नेपाल, भारत, बङ्गलादेश, पाकिस्तान, श्रीलङ्का, भुटान र माल्दिभ्सबाट करिब दुई सय प्रतिनिधि सहभागी हुने उक्त सम्मेलनमा जलवायु परिवर्तनले वातावरणमा पारेको प्रभावका बारेमा छलफल हुने छ । कार्यक्रममा सहभागी राष्ट्रका प्रतिनिधिले आआफ्नो देशमा अहिले जलवायुले पारेको अवस्थाका बारेमा कार्यपत्र प्रस्तुत गर्ने छन् ।

  • बैंकिङ कसुरमा फरार रहेका पक्राउ

    तत्कालीन पुनरावेदन अदालत पाटनले उनलाई बैंकिङ कसुर मुद्दामा तीन वर्ष कैद र रु पाँच करोड २५ लाख जरिवाना हुने ठहर गरी फैसला गरेकामा फरार रहेकाले पक्राउ गरी कार्यान्वयनका लागि जिल्ला अदालत काभ्रेपलाञ्चोकलाई बुझाइएको जिल्ला प्रहरी कार्यालयका प्रहरी नायब उपरीक्षक नवीनराज राईले जानकारी दिए।

  • धुलाम्मे भएपछि बनेपा– पनौती सडक अवरुद्ध

    सडक धुलाम्मे भएका कारण सडक आसपासमा भएका घरका बासिन्दाले सास्ती खेप्नुपरेपछि अवरुद्ध गर्नुपर्ने अवस्था आएको स्थानीयवासीले बताएका छन् । उनीहरुले विगतको प्रतिबद्धता पूरा गर्न आग्रह गर्दै सडकमा उडेको धुलो र धुवाँले बालबालिकादेखि वृद्धसम्मका स्वास्थ्यमा नकारात्मक असर परेको बताए ।

  • पपुवा न्युगिनीमा ८ रेक्टर स्केलको शक्तिशाली भूकम्प

    पपुवा न्युगिनीमा ८ रेक्टर स्केलको शक्तिशाली भूकम्प

    पपुवा न्युगिनीमा ८ रेक्टर स्केलको शक्तिशाली भूकम्प गएको छ। अमेरिकी भौगर्भिक सर्वेक्षणका अनुसार सोलोमन द्विपको १६७ मिटर गहिराईमा नेपाली समय अनुसार बिहान सवा १० बजे भूकम्प गएको भूकम्प गएको छ ।

  • जग्गाधनी प्रमाणपुर्जा नभएकाले पनि अनुदान सम्झौता गर्न पाउने

    मन्त्रिपरिषद्ले भूकम्पबाट क्षतिग्रस्त भएका ‘निजी आवास पुनःनिर्माण अनुदान वितरणसम्बन्धी कार्यविधि – २०७२’ खारेज गरी ‘भूकम्पबाट प्रभावित निजी आवास पुनःनिर्माण अनुदान वितरणसम्बन्धी कार्यविधि – २०७३’ स्वीकृत गरेपछि जग्गाधनी दर्ता प्रमाणपुर्जा नभएका पीडितको अनुदान सम्झौता गर्ने बाटो खुल्ला भएको हो ।

hundai

लोकप्रिय

vianet

सूचनापाटी