विभिन्न चार सूत्रीय माग राख्दै गण्डकी मेडिकल कलेजका चिकित्सकहरु आन्दोलनमा उत्रिएका छन्। मंगलबारदेखि चिकित्सक आन्दोलनमा उत्रिएका कारण अस्पतालको बहिरंग सेवा र केलजको शैक्षिक कार्यक्रम प्रभावित भएका छन्।
सेवा सुविधा बढाउनु पर्ने र निस्कासित चिकित्सकहरुको बहाली गर्नु पर्ने, महिना बितेको ७ दिन भित्र तलब वितरण गर्नुपर्ने लगायतका माग गर्दै आन्दोलनमा उत्रिनु पर्नेको संर्घष समितिका सचिव डा. तारा कोइरालले जानकारी दिए। उनले बिना कारण चिकित्सकलाई निस्कासन गरेका कारण उनिहरुलाई पुनर्बहाली गर्नुपर्ने बताए।
उनले व्यवस्थापनले शुक्रबारसम्म आफ्ना माग पुरा नगरे कडा आन्दोलनका कार्यक्रम अगाडि बढाउने बताए। तीन÷तीन वर्षभन्दा बढी काम गरेका चिकित्सकलाई निस्कासन गरेको उनले बताए।
व्यवस्थापन पक्षले भने चिकित्सिकहरुलाई निस्कासन नगरेको बताएको छ। करार सकिएका २ चिकित्सिकहरुलाई म्याद नथपेको गण्डकी मेडिकल कलेजका सिइओ सन्तोष खनालले बताए। उनीहरु कलेजको समयमा पनि अन्यत्र परिक्षणमा जाने गरेका कारण बाध्य भएर करार थप गर्न नसेको व्यवस्थापन पक्षले बताएको छ।
