कीर्तिपुरमा यसरी मनाइयो ‘विष्णुदेवी जात्रा’ (फोटो फिचर)

कीर्तिपुरको पाँगामा आज बिहीबार विष्णुदेवीको जात्रा भव्यरुपमा मनाइएको छ। यसलाई ‘सात गाउँले जात्रा’ पनि भनिन्छ। यो जात्रा प्रत्येक वर्ष मङ्सिर शुक्ल अष्टमीका दिन सुरु भई द्वादशीसम्म जात्रामा नवमीका दिन विष्णुदेवीको मूर्तिलाई खटजात्रा तथा स्थानीय वैष्णवी देवीको मन्दिरमा लगेर पूजा गर्ने चलन छ।

कीर्तिपुरका स्थानीयवासीले आफ्नो क्षेत्रमा फरक किसिमले जात्रा गर्दछन्। विष्णुदेवीको मूर्तिलाई शक्तिको प्रतीकका रुपमा पूजा गरिँदै आएको छ। विशेष बाजागाजासहित निकालिने खटजात्रामा सहभागी भएमा रोग–ब्याधीबाट मुक्त भई पारिवारिक सुख, समृद्धि प्राप्त हुने विश्वास गरिन्छ। रासस

तस्बिरहरू: नारायण महर्जन/सेतोपाटी