तस्विर सौजन्यः दिननाथ बराल
पोखरा १६ चमेरे गुफा नजिकै मंगलबार बिहान सडक भासिँदा गुडिरहेको नगर बस भासिएको छ। पक्की सडक भासिँदा पोखरा बस व्याबसायी समितिको ग १ ख ७०३३ नम्वरको बस गुड्दै गर्दा भासिएको प्रहरीले जानकारी दिएको छ ।
बिहान क्याम्पस जाने क्यूका लागि बस त्यस क्षेत्रमा गएको थियो। गुड्दै गर्दा सडक भासिएपछि गाडी खाडलभित्र अड्किएको थियो।
बिहान बस खाली भएको हुनाले तल्लो भागसम्म जान नपाएको र ठूलो क्षति हुनबाट जोगिएको प्रहरीले जानकारी दिएको छ ।
भासिएको बसलाई क्रेनको सहायताले करिब ३ घण्टा पछि निकालिएको हो।
भासिएको क्षेत्रमा खानेपानीको पाइपको काम भइ रहेको छ। त्यस क्षेत्रमा गुफाहरु रहेका कारण पनि त्यस्तो भएको हुन सक्ने स्थानीयहरुले बताएका छन्।