मधेस आन्दोलनमा फुटाइएका वीरगन्जका सिसि टिभी क्यामरा पुनः जडान गरिएको छ। आन्दोलनको गतिविधि प्रहरीले निगरानी गरिरहेको भन्दै आन्दोलनकारीले वीरगन्जका अधिकांश सिसि क्यामरा फुटाएका थिए। वीरगन्ज उद्योग बाणिज्य संघ, सेफर वीरगन्ज र वीरगन्जमा संचालित विभिन्न वित्तीय संस्थाको आर्थिक सहयोगमा नगरभित्र अत्याधुनिक सिसि क्यामरा जडान कार्य सुरु गरिएको हो।
वीरगन्ज भित्रिने तथा बाहिरने मुख्य सडक खण्ड र नगरक्षेत्रको बजारमा १४ लाखको लागतमा ४० वटा नयााँ क्यामरा जडान गरिएकोे वीरगन्ज उद्योग बाणिज्य संघका पूर्व अध्यक्ष एवम् सेफर वीरगन्जका अभियन्ता गणेश लाठले बताए। उनले नगरक्षेत्रमा हुनसक्ने अपराधिक कृयाकलापलाई नियन्त्रण र निगरानी गर्न सिसि क्यामराको संजाल आवश्यक रहेकाले हाल ४० वटा जडान गरिएपनि विस्तारै सो संख्या एक सयमा पुर्याउँदै वीरगन्जलाई डिजिटल सुरक्षा कवचमा परिणत गर्ने योजना रहेको बताए।
वीरगन्ज उपमहानगरपालिकाको इनर्वास्थित शंकराचार्यद्वारदेखि गण्डचोक हुँदै लक्ष्मणवा चोकमा क्यामरा जडान गर्ने लक्ष्य छ र यसमा ७०देखि ८० लाख रुपैयाँ खर्च लाग्ने अनुमान छ।अपराध नियन्त्रणदेखि ट्राफिक व्यवस्थापनसम्म महत्वपूर्ण भूमिका खेल्ने भएकाले यसले वीरगन्जको सुरक्षा व्यवस्था थप बलियो हुने पर्साका प्रहरी उपरिक्षक डा. राजुबाबु श्रेष्ठले बताए।नगरक्षेत्रमा जडान गरिएका ७२ मध्ये ६८ वटा क्यामरा गर्त वर्ष आन्दोलनकारी फुटाएका थिए।