पूर्वमुख्यसचिव तथा गृहमन्त्री माधव घिमिरे चढेको जीप त्रिशुली नदीमा उनकी आमासहित तीन जनाको मृत्यु भएको छ। पूर्वगृहमन्त्री घिमिरेसहित तीन जना अझै बेपत्ता रहेको चितवनका प्रमुख जिल्ला अधिकारी विनोदप्रकाश सिंहले सेतोपाटीलाई बताए।
सिंहका अनुसार घिमिरे चढेको बा९च १५३१ नम्बरको कार दुर्घटनामा परेको हो। मुग्लिनबाट काठमाडौंतर्फ आउँदै गरेको कार मुग्लिन र कुरिनटारको बीचमा पर्ने घोप्टेभीरबाट त्रिशुली नदीमा खसेको हो।
सिंहका अनुसार तीन जनाको शव फेला परेको छ। घिमिरेकी आमा, सशस्त्र प्रहरीका सुरक्षाकर्मी तथा नाम नखुलेका व्यक्तिको शव फेला परेको हो।
मृत्यु हुनेमा घिमिरेकी आमा, उनका आफन्त र उनका निजी सुरक्षाकर्मी सशस्त्र प्रहरीका प्रहरी नायब निरीक्षक छन्।
चितवनका प्रमुख जिल्ला अधिकारी विनोदप्रकाश सिंहका अनुसार घिमिरेकी आमाका अवाला मृत्यु हुनेमा आफन्त नारायण काफ्ले र प्रहरी नायब निरीक्षक रामचन्द्र कार्की छन्।
जीपका चालक हामफालेर बाँचेका छन्। उनलाई उपचारका लागि भरतपुर लगिएको छ। ‘पूर्वगृहमन्त्रीसहित तीन जना बेपत्ता हुनुहुन्छ,’ सिंहले सेतोपाटीलाई बताए।
उनका अनुसार दुर्घटनामा परेको कार तथा बेपत्ताहरूको खोजीका लागि प्रहरी खटिएको छ। घिमिरे खिलराज रेग्मी मन्त्रिपरिषद अध्यक्ष हुँदा गृहमन्त्री थिए।
