दाङको त्रिपुर नगरपालिका-५ मा एक जना महिलाको बिहीबार राति हत्या भएको छ। ४७ वर्षीया विष्णु ओलीको धारिलो हतियार प्रयोग गरी हत्या भएको जिल्ला प्रहरी प्रमुख धीरजप्रताप सिंहले जानकारी दिए।
सिंहका अनुसार ओलीलाई घरदेखि २० मिटर पर लगेर हत्या गरिएको अवस्थामा शव फेला परेको हो। विष्णुका श्रीमान् छिमेकी देश भारतमा दोस्रो श्रीमतीका साथ बस्दै आएको प्रहरीले बताएको छ। उनको हत्या साढे ११ देखि १२ बजेको बीचमा भएको हुन सक्ने एसपी सिंहले जानकारी दिए। घटनाबारे अनुसन्धान सुरू भएको प्रहरीले बताएको छ।