ललितपुर कार्यविनायक नगरपालिका–२ फूलबारी मार्गस्थित सयपत्रीटोलमा आज प्रहरीले २ हजार १ सय २० लिटर घरेलु मदिरा नष्ट गरेको छ ।
अवैधरुपमा बनाइएको उक्त मदिरा बिहान ९ बजे प्रहरी नायब उपरीक्षक ईश्वर कार्कीको कमाण्डमा खटिएको प्रहरी टोलिले नष्ट गरेको हो।
घरेलु मदिरा बनाउन प्रयोग हुने कच्चा पदार्थ पनि नियन्त्रण लिई स्थानीयवासीको रोहबरमा नष्ट गरिएको प्रहरी नायब उपरीक्षक कार्कीले बताए।
घरेलु मदिरा उत्पादन गरेर बिक्री वितरण गरिरहेको सूचनाको आधारमा प्रहरीले छापा मारेको जनाएको छ।
प्रहरीले मदिरा बनाउन प्रयोगमा ल्याइएका १५ वटा ठूलो ड्रम, ७ वटा सानो ड्रम, करिब २० केजी चिनी र १० केजी चामलको कनिकासहित अन्य सामग्री समेत नियन्त्रणमा लिएको छ।
