मोरङको पथरी शनिश्चरे– ८ स्थित सिरिजङ्गा धार्मिक वनभित्र आज दिउँसो हत्या गरिएको अवस्थामा एक व्यक्तिको शव फेला परेको छ ।
पथरी शनिश्चरे – १ घर भएका ३५ वर्षीय गोविन्द दर्नाललाई खुकुरी प्रहार गरेर हत्या गरी फालेको अवस्थामा शव फेला परेको इलाका प्रहरी कार्यालय पथरीका प्रहरी निरीक्षक रमेश बस्नेतले जानकारी दिए ।
दर्नालको गएराति नै कसैले हत्या गरेर शव फालेको हुनसक्ने र घटनाबारे थप अनुसन्धान भइरहेको प्रहरी निरीक्षक बस्नेतले बताए ।
