हिमाली जिल्लाको रसुवा अस्पतालमा सर्पले टोकेका बिरामी उपचारमा आउने क्रम बढ्दै गएको छ।
जिल्ला स्वास्थ्य प्रमुख डा विवेककुमार लालका अनुसार सर्पले टोकेका बिरामी उपचारका लागि दुई महिनामा दर्जनौँ आइसकेका र जिल्ला अस्पतालमा भ्याक्सिन नभएका कारण दुई जनालाई भने काठमाडौँका लागि रिफर गरिएको छ।
भूकम्पपछि रसुवा जिल्लाका भूभागमा सर्पको सङ्ख्या बढ्दै गएको पाइएकाले खेतबारीमा काम गर्दा, घाँस काट्न जाँदा वा घाँसे क्षेत्र र झाडीमा हिँड्दा होस पु¥याइ हिँड्न सबैलाई आग्रह गरिएको छ।
घाँसे मैदान र झाडीमा हिँड्न परेमा खुट्टामा गमबुट लगाई हातमा लठ्ठी लिई हिँड्न आग्रह गर्दै डा लालले यदि सर्पले टोकी हाले डोरीले नबाध्न र धारिलो हतियारले चिरेर रगत नफाल्न सुझाव दिएका छन्। रासस
