म्यादीको बेनी नगरपालिका–१ रत्नेचौरबाट तीन दिनअघि बेपत्ता भएका एक व्यक्ति मृत अवस्थामा फेला परेका छन्।
शुक्रबार रातिदेखि सम्पर्कविहीन रहेका बेनी नगरपालिका–१ धिमालथरका ५१ वर्षीय मीनबहादुर राना रोकाको शव घर नजिकैको मकैबारीमा फेला परेको हो। मृतकको घाँटीमा गहिरो चोट रहेको र नजिकै खुकुरी पनि भेटिएको प्रहरीले जनाएको छ।
अत्यधिक मदिरा सेवन गर्ने र मानसिक रोगीसमेत रहेका रोकाको हत्या अथवा आत्महत्या के हो भनेर अनुसन्धान भइरहेको प्रहरी नायब उपरिक्षक विश्वराज खड्काले जानकारी दिए। रासस
