तुलसीपुर-घोराही सडक खण्डको कपासी बगियामा बसको ठक्करबाट एकजना स्कुले विद्यार्थीको मृत्यु भएको छ। आइतबार बिहान साईकलमा चढी विद्यालय जाँदै गरेका घोराहीको शिद्धार्थ एकेडेमीका एक जना विद्यार्थी १५ वर्षीय विवेक पौडेलको रा १ ख १०९२ नम्वरको बसको ठक्करबाट मृत्यु भएको जिल्ला प्रहरी प्रवक्ता प्रकासराज शर्माले जानकारी दिए।
बिहान ८ सवा ८ बजेतिर तुलसीपुरबाट यात्रु बोकेर घोराही तर्फ जाँदै गरेको उक्त बसले साईलमा सवार पौडेललाई ठक्कर दिएको थियो। बसको ठक्करबाट गम्भीर घाईते पौडेलको उपचारका क्रममा राप्ती उपक्षेत्रीय अस्पताल घोराहीमा उपचकार क्रममा मृत्यु भएको प्रहरीले जानकारी दिएको छ। ठक्कर दिने बस र चालकलाई प्रहरीले नियन्त्रणमा लिएको छ।
