ललितपुरको लुभुमा २७ महिनाकी बालिकामाथि बुधबार यौन दुर्व्यवहार भएको छ। आफ्नै काका पर्नेले उनलाई यौन दुर्व्यवहार गरेको सातदोबाटो प्रहरीकी डिएसपी तारादेवी थापाले जानकारी दिइन्। बालिकामाथि यौन दुर्व्यवहार भएको थाहा पाएपछि उनलाई स्थानीय हेल्थ पोष्टमा उपचारका लागि लगिएको थियो।
हेल्थ पोष्टले थापाथली अस्पताल रिफर गरिदिएको थियो। थापाथली अस्पतालले प्रहरीलाई खबर गर्नु भनेपछि बालिकाको आमाले सातदोबाटो प्रहरीमा उजुरी दिएकी थिइन्। बालिकामाथि यौन दुर्व्यवहार गर्नेलाई प्रहरीले पक्राउ गरेको छ।
