महानगरीय अपराध महाशाखाले साइलेन्सर जडित पेस्तोलसहित ३ जनालाई पक्राउ गरेको छ । सानेपाबाट मोरङ घर भइ ललितपुरको बालकुमारी बस्दै आएका नारायण श्रेष्ठ, मकवानपुरका रामचन्द्र थापा र ललितपुरका दीपक सापकोटलाई पक्राउ गरिएको एसपी सहकुल थापाले जानकारी दिए।
उनीहरुको साथबाट प्रहरीले मेड इन युएसए लेखिएको २ थान पेस्तोल र २ राउण्ड गोली बरामद गरिएको उनले बताए। उनीहरुको साथबाट लागू औषध लारोजेपास ३ सय वटा ट्यावलेट पनि बरामद गरिएको छ।
अनुसन्धानबाट खुल्न आएका कुराहरु
दीपक सापकोटा २०६२।०६।१० मा मिना नेपालीको हत्यामा १० वर्ष कैद भुक्तान गरी मिति २०७२।०७।०५ गते रामेछाप जिल्ला कारागार बाट छुटेको ।
रामचन्द्र थापा २०६६।०२।२७ गते जि। चितवन, कबिलास १ स्थित जाहेरवाला पदममाया गुरुङको पसलमा डाँका चोरी गरेकोमा मिति २०६७।२।२६ गते पक्राउ परी डाँका चोरी मुद्दामा ६ वर्ष कैद भुक्तान गरी मिति २०७२।०७।०५ गते चितवन जिल्ला कारागार बाट छुटेको ।
३ वर्ष अगाडी रामेछाप जिल्ला कारागारमा दीपक सापकोटा र रामचन्द्र थापाको चिनजान भएको । कारागारमा नै दुई बिच कारागार मुक्त भए पश्चात हतियारको कारोबार गर्ने सल्लाह भएको ।
९-१० अगाडी दीपक सापकोटा र रामचन्द्र थापा बिच फोनमा कुराकानी भई सातदोबाटोमा भेटे पश्चात दीपक सापकोटाले रामचन्द्र थापा लाई हतियारको ब्यवस्था गर्न लगाएको ।
यसै क्रममा रामचन्द्र थापाले साईनोले साँडु भाई पर्ने नारायण श्रेष्ठ लाई चितवनमा भेटी हतियार ब्यवस्था गर्न लगाएको र नारायण श्रेष्ठ हतियार लिएर आउछु भनी मोरङ गएकोमा मिति २०७३।०१।१६ गते हतियार लिई चितवनमा आएको ।
नारायण श्रेष्ठ २०६१ मा शसस्त्र प्रहरी जवानको भगौडा रहि चितवन जिल्लामा सार्बजनिक अपराधमा समेत सजाय पाएको भन्ने बुझिन आएको ।
मिति २०७३।०१।२० गते निज रामचन्द्र थापा र नारायण श्रेष्ठ चितवनमा भेटी रातको समय पारेर काठमाडाैं आएको ।