सातदोबाटो प्रहरी वृतले अश्लिल भिडियो देखाएर बालबालिकालाई यौन दुव्र्यबहार गर्ने एक जनालाई पक्राउ गरेको छ ।
इमाडोलका ३६ वर्षीय प्रद्युम्न केसीलाई पक्राउ गरिएको डिएसपी तारा थापाले जानकारी दिईन।
हात्तिवनस्थित क्लासिक फेसनमा सेक्येरिटी गार्डमा काम गर्ने उनले इमाडोलका ६ जना बालबालिकामाथि यौन दुब्र्यवहार गरेको उजुरी प्रहरीसमक्ष परेको डिएसपी थापाले बताईन ।
४ बालक र २ जना बालिकालाई अश्लिल भिडियो देखाएर उनले यौन दुब्र्यवहार गरेको प्रहरी अनुसन्धानबाट खुल्न आएको छ।
बालबालिकालाई खानेकुरा दिएर आफ्नो कब्जामा पार्ने र अनैतिक कार्यमा उनी सम्लग्न रहेको डिएसपी थापाले बताईन। उनले बाबुआमा घरमा नभएको बेला बालबालिकालाई फकाउने गर्ने गर्दथे।
बालिकाहरुसँग बालकहरुसँग खेलिरहेका बेला बालकलाई पैसा दिएर पसलमा खानेकुरा किन्न पठाइ उनले बालिकाहरुलाई अश्लिल भिडियो देखाउने गरेको थापाले बताईन ।