पर्सा, वीरगंज १६ स्थित रहेको साउथजोन बोर्डिङ् स्कुलमा बम विस्फोट गराउने खोज्ने २ जनालाइ पर्सा प्रहरीले पक्राउ गरेको छ।
स्कुलका संचालक तथा शिक्षकहरूलाई समेत फोनबाट जनतान्त्रिक तराई मुक्ति मोर्चाको नाममा अभय सिह र सागर सिह बोल्दैछु भनी ५ लाख रकम माग गरी नदिएमा अपहरण गरी गोली हानी हत्या गरिदिन्छु भनेर डरत्रास देखाउने वीरगंज १४ का रामबालक मुखिया बिन र महेश पटेललाई पक्राउ गरिएको डिएसपी होबिन्द्र बोगटीले जानकारी दिए। प्रहरीमा खबर गरे घर परिवार लाई समेत नछाड्ने र स्कूलमा बम पड्काई ध्वस्त दिन्छु भनी पटक पटक धम्की दिंदै उनीहरुले पत्र समेत पठाउने गर्दथे ।
स्कूलको कम्पाउन्ड भित्र सकेट बम फाली फरार रहेका उनीहरुलाई पक्राउ गरिएको बोगटीले बताए। महेश पटेल यस भन्दा पहिला हातहतियार मुद्दामा २ दुई पटक कारगारमा कैद भुक्तान गरेको र अर्का रामबालक प्रसाद मुखिया बिन पनि यस भन्दा पहिला लागू औषध ९ चरेश ० र सेतो हिरोईन मुद्दामा पक्राउ गरी कैद भुक्तान गरेको खुल्न आएको छ।