अज्ञात समुहले रोल्पामा एक युवकको हत्या गरेको छ ।
उत्तरी रोल्पाको उवा ८ घोराबाङमा बिहान २ बजेतिर आएका छ सात जनाको समूहले ३३ वर्षीय वस्ती घर्तिको हत्या गरेका हुन् ।
लुटपाट गर्न आएको समूहको प्रतिकारमा उनको मृत्यु भएको प्रहरीले जनाएको छ ।
वैदेशिक रोजगारबाट फर्केका घर्तीको साथबाट लुटेरा समूहले २ लाख नगद र ३ तोला सुन समेत लुटेर लगेका छन्। रातको समयमा आक्रमणमा परेका घर्तिको अत्याधिक रक्तश्रावका कारण विहान ५ बजेतिर स्थानीय स्वास्थ्य संस्थामा उपचारका क्रममा मृत्यु भएको रोल्पा प्रहरी प्रमुख रमेश थापाले सेतोपाटीलाई जानकारी दिए।
