रोजगारीका लागि जापान पठाएर साढे ११ लाख ठगी गर्ने कन्सलटेन्सीका संचालक पक्राउ परेका छन्।
महानगरीय अपराध महाशाखाले काठमाडौंको गंगबुस्थित आरडिसी एजुकेशन कन्सलटेन्सीका संचालक सोमराज घलेलाई पक्राउ गरेको हो । उनले गोरखा हंसपुरका गणेश अधिकारीलाई वर्किङ भिसामा चाउचाउ कारखानामा काम गर्न पठाएका थिए । जापान गइसकेपछि अधिकारी एक महिना जेल परेका थिए। त्यसपछि आफ्नै खर्चमा उनी नेपाल आएका थिए।