अमेरिकाको लस एञ्जलसमा दुई साना विमान आकाशमै आपसमा ठोक्किएका छन्। समाचार संस्था एपीका अनुसार शुक्रबार दिउँसोको साढे तीन बजे ती दुई विमान आपसमा ठोक्किएपछि समुद्रमा खसेका थिए।
दुई विमानमा ३ जना मानिस सवार रहेका अमेरिकी अधिकारीहरूले जनाएका छन्। विमान समुद्रमा खसेसँगै दुवै विमानमा सवार ३ जना वेपत्ता भएका छन्। गोताखोरहरूले विमानका केही भाग फेला पारेका छन्।
दुवै विमान नजिकैको टोरान्स विमानस्थलबाट उडेका थिए। हेलिकोप्टर र डुंगाबाट बेपत्ता भएका व्यक्ति र विमानको खोजी भइरहेको छ।
