मोटरसाइकल चोरी गरेको आरोपमा महोत्तरीको गौशालाबाट प्रहरीले एकजनालाई पक्राउ गरेको छ । प्रहरीले लक्ष्मीनियाँ–३ का १८ वर्षीय दिनेशकुमार महतोलाई मोटरसाइकलसहित शुक्रवार विहान पक्राउ गरेको हो ।
केही दिनअगाडि महोत्तरीको भरतपुर–५ का सञ्जय महतोको घरबाट वी आर ०१–५९९६ नम्बरको भारतीय नम्बर प्लेटका मोटरसाइकल चोरी गरी फरार रहँदै आएको दिनेशलाई मोटरसाइकलसहित पक्राउ गरिएको हो ।
शुक्रवार बिहान मोटरसाइकल गौशालास्थित महावीर ग्यारेजमा मर्मतका लागि ल्याएको समयमा सुराकीका आधारमा इलाका प्रहरी कार्यालय गौशालाका टोलीले दिनेशलाई पक्राउ गरेको प्रहरी निरीक्षक मच्छिन्द्रबाबु केसीले जानकारी दिए। घटनामा संलग्न अन्य तीनजना फरार रहेकाले खोजी कार्य तीव्र बनाएको प्रहरीले जनाएको छ । रासस